අමෙරිකාව රඹුක්කන සිද්ධිය හෙළා දකී

සිදුවීම ගැන විනිවිදභාවයෙන් යුක්ත පූර්ණ විමර්ශනයක් පවත්වන්න

රඹුක්කන ප්‍රදේශයේ ඇති වූ ප්‍රචණ්ඩකාරී තත්ත්වය සම්බන්ධයෙන් තමන් අතිශයින් කනස්සල්ලට පත්ව සිටින බව ශ්‍රී ලංකාවේ ඇමරිකානු තානාපති ජූලී චං පවසයි.

ඇය මේ බව සඳහන් කළේ ට්විටර් පණිවිඩයක් නිකුත් කරමින්.

විරෝධතාකරුවන්ට මෙන් ම පොලිසියට ද එරෙහිව සිදුවන ප්‍රචණ්ඩත්වය හෙළා දකින බව ඇය පෙන්වා දෙයි.

සාමකාමීව කටයුතු කරන ලෙස සියලු දෙනාගෙන් ඉල්ලා සිටින බව ද ශ්‍රී ලංකාවේ අමෙරිකානු උපාධි නිලධාරිනිය.

මෙම සම්බන්ධයෙන් විනිවිදභාවයෙන් යුක්ත පූර්ණ විමර්ශනයක් පැවැත්විය යුතු බව ත්, සමාකාමී විරෝධතාවන්හි නිරත වීම සඳහා මිනිසුන්ට ඇති අයිතිය ආරක්ෂා කළ යුතු බව ත් ජූලී චංගේ ට්විටර් පණිවුඩයේ සඳහන් වේ.

රඹුක්කන ප්‍රදේශයෙන් නිකුත් වන බිහිසුණු පුවත ගැන මම බලවත් ශෝකයට පත් වෙමි. විරෝධතාකරුවන්ට හෝ පොලිසියට එරෙහි ඕනෑම ප්‍රචණ්ඩත්වය මම හෙළා දකින අතර සෑම පැත්තකින්ම සංයමයෙන් සහ සන්සුන්ව සිටින ලෙස ඉල්ලා සිටිමි. පූර්ණ විනිවිද භාවයෙන් යුත් පරීක්ෂණයක් අත්‍යවශ්‍ය වන අතර සාමකාමී විරෝධතා දැක්වීමට ජනතාවගේ අයිතිය තහවුරු කළ යුතුය

– තානාපති ජූලි චුන්ග් (@USAmbSL) 2022 අප්‍රේල් 19

The post ඇමරිකාවේ රඹුක්කන සිද්ධිය හෙළ දකී appeared first on අරුණ.