මෙය එම ආයතනය ළඟා වූ ඉහළතම ලාභයක් වන තර, එය රුපියල් බිලියන 11.7ක් බවයි වාර්තා වන්නේ.
දේශයේ රක්ෂකයා ලෙසින් නම්කෙරෙන මෙම ආයතනය පසුගිය වසර සඳහා රුපියල් බිලියන 43.2 ක රක්ෂණ වාරික ආදායම් අගයක් වාර්තා කරමින් 9.7% ක විශිෂ්ට වර්ධනයක් පෙන්නුම් කිරීමට සමත්ව තිබෙනවා.
රට තුළ පැවති අභියෝගාත්මක ආර්ථික තත්ත්වයන් මධ්යයේ වුව ද , සිය වත්කම් සම්භාරය රුපියල් බිලියන 268 දක්වා සහ ජීවිත අරමුදල රුපියල් බිලියන 152ක් දක්වා ඉහළ නංවාගනිමින් රටේ විශාලතම සහ ශක්තිමත්ම රක්ෂණ ආයතනය ලෙස සිය ස්ථානය නැවතත් තහවුරු කරගැනීමට ශ්රී ලංකා ඉන්ෂුවරන්ස් සමත්ව තිබීම සුවිශේෂියි.
රටේ වත්මන් ආර්ථික තත්ත්වය හේතුවෙන් අනෙකුත් රක්ෂණ ආයතන මෙන්ම ශ්රේණිගත කිරීම අසීරු අඩියක රඳා පැවතිය ද, දිගුකාලීන මුල්ය ස්ථාවරත්වය සඳහා ෆිච් ශ්රේණිගත කිරීම එලෙසින්ම පවත්වා ගැනීමට ශ්රී ලංකා ඉන්ෂුවරන්ස් සමත්ව තිබෙනවා.