ශ්රී ලංකාව සහ ඕස්ට්රේලියාව අතර පැවතිණි එක්දින තරගාවලියේ තුන්වන තරගය කොළඹ ආර් ප්රේමදාස පිටියේදී අද පැවැත්වුණා. එම තරගයෙන් විශිෂ්ට ජයක් හිමිකර ගැනීමට ශ්රී ලංකා කණ්ඩායම සමත් වුනා.
ප්රථමයෙන් පන්දුවට පහරදුන් ඕස්ට්රේලියානු කණ්ඩායම ලකුණු 292 ක් රැස් කළ අතර දෙවෙනි ඉනිම ක්රීඩා කල ශ්රී ලංකානු කණ්ඩායම එම ලකුණු සීමාව පහසුවෙන් ඉක්මවා ගියා. ඒ අනුව ශ්රී ලංකා කණ්ඩායම දෙකට එකක් ලෙස තරගාවලියේ පෙරමුණ ලබා ගත්තා.
නිරෝෂන් දික්වැල්ල ගේ ප්රථම කඩුල්ල දැවී යාමෙන් අනතුරුව පිටියට පිවිසි කුසල් මෙන්ඩිස් අද ලකුණු 87ක් රැස් කළ අතර ප්රථමයෙන් පිටියට පිවිසි පැතුම් නිස්සංක සමඟ ලකුණු 170ක සබඳතාවයක් ගොඩනගමින් වාර්තාවක් අලුත් කලා. වැඩිම ලකුණු ගණනක් රැස්කළ පැතුම් නිශ්ශංක ලකුණු 137ක්ද, ධනංජය ද සිල්වා ලකුණු 25ක් ද රැස් කළා.