එරංග, මනුවර්ණ, රැට්ටා, ජෙහාන් ඇතුළු 07ක් අත්ඩංගුවට . . .

පසුගිය ජුනි 09 වනදා සහ 10 වනදා සිදු කළ විරෝධතා සම්බන්ධයෙන් මරාදාන පොලිස්ථානයට බාරවීමෙන් පසු අත්ඩංගුවට ගත් සමාජවාදී තරුණ සංගමයේ ජාතික සංවිධායක එරංග ගුණසේකර, රංගන ශිල්පී ජගත් මනුවර්ණ, සමාජමාධ්‍ය ක්‍රියාකරු රැට්ටා, රංගන ශිල්පී ජෙහාන් අප්පුහාමි ඇතුළු 07 දෙනා ලබන මස 01 දක්වා රක්‍ෂිත බන්ධනාගාර ගත කිරීමට කොටුව මහෙස්ත්‍රාත් අධිකරණය නියෝග කර තිබේ.

එම පිරිස පොලීසිය වෙත බාර වී ඇත්තේ පසුගිය 17 වනදා පොලිස් මාධ්‍ය කොට්ඨාසය නිකුත් කර තිබූ නිවේදනයක් අනුවය. එම නිවේදනය අනුව වසන්ත මුදලිගේ, ලහිරු චතුරංග වීරසේකර, රතිඳු සේනාරත්න නොහොත් රැට්ටා, ජගත් මනුවර්ණ, ධම්මික මුණසිංහ, රත්කරව්වේ ජිනරතන හිමි, එරංග ගුණසේකර, ජෙහාන් අප්පුහාමි, ගල්වැව සිරිධම්ම හිමි සැකකරුවන් ලෙස අත්ඩංගුවට ගැනීමට නියෝග කර තිබිණි.

“ජොන්ස්ටන්ලට ඇප දුන්නට අපිට ඇප දෙන්නේ නැහැ. අරගල දිගටම යනවා. ජයවේවා.” යැයි රක්‍ෂිත බන්ධනාගාර ගත කරන ලද සමාජවාදී තරුණ සංගමයේ ජාතික සංවිධායක එරංග ගුණසේකර සඳහන් කළේය. ඔහු මේ බව පැවසූවේ මරදාන පොලිස්ථානයට බාරවීමෙන් පසු කොටුව මහේස්ත්‍රාත් අධිකරණය විසින් ලබන මස පළවෙනිදා තෙක් රක්‍ෂිත බන්ධනාගාර ගත කළ අවස්ථාවේ බන්ධනාගාරය වෙත රැගෙන යන අවස්ථාවේදී මාධ්‍ය වෙත අදහස් දක්වමිනි.

මෙම නඩුව ලබන මස 05 වනදා යළි කැඳවීමට නියමිතය.

Subscribe
Notify of
0 Comments
Inline Feedbacks
View all comments

Next Post

ඉන්ධන නැව අද නොවෙයි හෙට . . .

Thu Jun 23 , 2022
අද දිවයිනට ළඟාවීමට නියමිත වූ පෙට‍්‍රල් නෞකාව පැමිණීම දිනයකින් ප‍්‍රමාද වී තිබෙනවා. බලශක්ති අමාත්‍ය කංචන විජේසේකර මේ බව සඳහන් කලේ ට්විටර් පණිවුඩයක් නිකුත් කරමින්. අද උදෑසන පැමිණීමට නියමිතව තිබූ ඔක්ටේන් 92 වර්ගයේ පෙට‍්‍රල් මෙටි‍්‍රක් ටොන් 40,000 ක් අඩංගු මෙම නෞකාවේ ප‍්‍රමාදයට හේතුව සම්බන්ධයෙන් අමාත්‍යවරයා කරුණු දක්වා නැහැ. අද සහ හෙට පෙට‍්‍රල් බෙදා […]

හැඳින්වීම

” ජනමිණ ”

සිහනෙත් මාධ්‍ය ජාලයට අයත් වෙබ් අවකාශයකි. මෙම වෙබ් අවකාශය හරහා ප්‍රවෘත්ති හා විශේෂාංග තුලනාත්මක හා අරුත්බර මුහුණුවරකින් ඔබ වෙත රැගෙන ඒම අපේ අභිප්‍රායයි. ” ජනමිණ ” පාඨක ජනවින්‍යාසය වෙත නැවුම් පරිකල්පනයන් විවර කරන හරවත් නිර්මාණාත්මක ලේඛනයෙන් පොහොණි ය.

0
Would love your thoughts, please comment.x
()
x