අද දිවයිනට ළඟාවීමට නියමිත වූ පෙට්රල් නෞකාව පැමිණීම දිනයකින් ප්රමාද වී තිබෙනවා. බලශක්ති අමාත්ය කංචන විජේසේකර මේ බව සඳහන් කලේ ට්විටර් පණිවුඩයක් නිකුත් කරමින්. අද උදෑසන පැමිණීමට නියමිතව තිබූ ඔක්ටේන් 92 වර්ගයේ පෙට්රල් මෙටි්රක් ටොන් 40,000 ක් අඩංගු මෙම නෞකාවේ ප්රමාදයට හේතුව සම්බන්ධයෙන් අමාත්යවරයා කරුණු දක්වා නැහැ.
අද සහ හෙට පෙට්රල් බෙදා හැරීමේ කටයුතු සීමා කිරීමට සිදුව ඇති බවයි කංචන විජේසේකර වැඩිදුරටත් සඳහන් කරයි. සුපර් ඩීසල් බෙදා හැරෙන්නේ ද සීමා සහිතවයි. කෙසේවෙතත් පූර්ණ ධාරිතාවයෙන් ඔටෝ ඩීසල් බෙදා හැරීමට පියවර ගෙන තිබෙනවා. මේ අතර ඉන්ධන සහ ගෑස් හිඟය හේතුවෙන් තවදුරටත් දිවා රෑ නොබලා පාරිභෝගිකයින් පෝලිම්වල රැඳී සිටී.