පාපැදි භාවිතය ප්‍රචලිත කෙරේ . . .

ආරක්ෂිත ප්‍රවාහන මාධ්‍යයක් වශයෙන් පාපැදි භාවිතය ප්‍රචලිත කෙරේ. විවිධ වයස් කාණ්ඩ අතර විනෝදාංශයක් හා ක්‍රීඩාවක් වශයෙන් පමණක් නොව ආරක්ෂිත ප්‍රවාහන මාධ්‍යයක් වශයෙන් පාපැදි භාවිතය ප්‍රචලිත කිරීමේ අරමුණින් නව වැඩසටහනක් සැලසුම් කර ඇතැයි ප්‍රවාහන හා මහාමාර්ග අමාත්‍යාංශයේ අතිරේක ලේකම් බර්නාඩ් වසන්ත මහතා ප්‍රකාශ කළේය.

රට මුහුණ පා ඇති ආර්ථික අර්බුදය සහ ඉන්ධන ගැටලුවට විසඳුමක් වශයෙන් Ride for Life සංවිධානය, ශ්‍රී ලංකා පාපැදි සම්මේලනය, ශ්‍රී ලංකා ඉංජිනේරු ආයතනය, ජනමාධ්‍ය, ශ්‍රී ලංකා පොලීසිය සහ පාපැදි සම්බන්ධව තිබෙන විවිධ ආයතනවල සහයෝගය ඇතිව එය ක්‍රියාත්මක කිරීමට අපේක්ෂා කරන බව අතිරේක ලේකම්වරයා සඳහන් කළේය. අතිරේක ලේකම්වරයා මෙම කරුණු අනාවරනය කළේ  “ආරක්ෂිත ප්‍රවාහන මාධ්‍යයක් වශයෙන් පාපැදි භාවිතය ප්‍රචලිත කිරීම” මැයෙන් රජයේ ප්‍රවෘත්ති දෙපාර්තමේන්තු ශ්‍රවණාගාරයේ පැවති මාධ්‍ය සාකච්ඡාවට එක්වෙමිනි.

වත්මන් ඉන්ධන අර්බුධය හමුවේ වාහන තිබුණද නිවසේ තබා යාමට සිදුව ඇති බැවින් පාපැදිය අත්‍යාවශ්‍ය සාධකයක් බවට පත්ව ඇති මෙවන් යුගයක බයිසිකල් පදින අයට “පැද යන්න ඉඩ දෙන්න” යන පණිවුඩය ජනගත කිරීමෙන් මහජනතාව පාපැදි භාවිතයට දිරිගැන්වීමට අවශ්‍ය සහයෝගය ලබා දෙන ලෙස ජනමාධ්‍ය ආයතනවලින් ඉල්ලා සිටින බව ශ්‍රී ලංකා පපැදි සංගමයේ සභාපති විශේෂඥ වෛද්‍ය අමල් හර්ෂ ද සිල්වා මහතා පැවසීය. ඊට ප්‍රවේශයක් වශයෙන් 2022 ජුලි මස 02 දින ශ්‍රී ලංකා ඉංජිනේරු ආයතනය (IESL) සහ Ride for Life සංවිධානය ඒකාබද්ධව කොළඹ විජේරාම IESL කාර්යාලයේ සිට පෑලියගොඩ දක්වා පාපැදි භාවිතයට ජනතාව උනන්දු කරවීමේ අරමුණින් රැළියක් ආරම්භ කරන බව සභාපතිවරයා පැවසුවේය.

පැපැදි භාවිතයේදී රාත්‍රී කාලයේ ප්‍රධාන පහන් දල්වා ගෙන යාම, පිටුපස ප්‍රතිපරාවර්තන පහනක් සවිකර තිබීම, හදිසි අවස්ථවකදී නවතා තැබීමට තිරිංගයකින් සමන්විත වීම, මාර්ගයේ වම්පසින් ගමන්
කළ යුතු වීම, රාත්‍රී කාලයේ පහසුවෙන් අන් අයට හඳුනා ගැනීමට පහසුවන සේ ලා පැහැති වර්ණ ඇඳුමක් ඇඳ ගමන් කිරීම, මාර්ග සංඥා පිළිපදිමින් ගමන් කිරීම, ආරක්ෂිත හිස් වැසුමක් පැළඳිම, මාර්ග නීති අනුගමනය කරමින්, මාර්ග සංඥා පිළිපදිමින් ගමන් කරන්නේ නම් කිසිදු අනතුරකින් තොරව පාපැදියෙන් ගමන් කළ හැකි බව රථ වාහන පාලන හා මාර්ග ආරක්ෂාව භාර නියෝජ්‍ය පොලිස්පති ඉන්දික හපුගොඩ මහතා මෙම අවස්ථාවට එක්වෙමින් පැවසීය.‍

Subscribe
Notify of
0 Comments
Inline Feedbacks
View all comments

Next Post

ඉතිං මට ගානක් වත් නෑනෙ, බොරිස් ජොන්සන් කියයි . . .

Mon Jun 27 , 2022
ඉකුත් සිකුරාදා (24) එක්සත් රාජධානියේ පැවැත්වූ අතුරු මැතිවරණයෙන් පාලක පක්ෂය වන බ්‍රිතාන්‍ය කන්සර්වේටිව් පක්ෂයට අන්ත පරාජයක් අයත් විය. මෙසේ කන්සර්වේටිව් පක්ෂයට අහිමි වී තිබෙන්නේ බ්‍රිතාන්‍යයේ සම්ප්‍රදායික දක්ෂිණාංශික කුළුණක් වන දකුණු කලාපයේ පිහිටා ඇති ටිවර්ටන් සහ හොනිටොන් ය.  ඡන්ද 24,000 කින් පාලක පක්ෂයට එම ආසන අහිමි වී ඇත. එමෙන්ම උතුරු කලාපයේ […]

හැඳින්වීම

” ජනමිණ ”

සිහනෙත් මාධ්‍ය ජාලයට අයත් වෙබ් අවකාශයකි. මෙම වෙබ් අවකාශය හරහා ප්‍රවෘත්ති හා විශේෂාංග තුලනාත්මක හා අරුත්බර මුහුණුවරකින් ඔබ වෙත රැගෙන ඒම අපේ අභිප්‍රායයි. ” ජනමිණ ” පාඨක ජනවින්‍යාසය වෙත නැවුම් පරිකල්පනයන් විවර කරන හරවත් නිර්මාණාත්මක ලේඛනයෙන් පොහොණි ය.

0
Would love your thoughts, please comment.x
()
x