වෙළඳ පොල තුළ බිත්තර මිල සීග්රයෙන් ඉහළ යාම ඉතා අසාධාරණ තත්ත්වයක් බවත් එනිසා එම මිල පාලනය සඳහා ඉන්දියාවෙන් බිත්තර ආනයනය කරන ලෙසත් බේකරි හිමියන්ගේ සංගමය රජයෙන් ඉල්ලීමක් කරයි.
එහි සභාපති එන්. කේ. ජයවර්ධන මහතා සඳහන් කරන්නේ අද වන විට බිත්තරයක් මිලට ගැනීමට රුපියල් 55/= ත් 60/= ත් අතර මුදලක් වැය වෙන බවයි. මෙම තත්ත්වය බේකරි හිමියන්ගේ නිෂ්පාදන කටයුතු කෙරෙහිද අහිතකර ලෙස බලපාන බවත් එය මෙරට ජනතාවගේ පෝෂණ තත්ත්වයටත් සෘජුව බලපාන බවත් හෙතෙම පෙන්වා දෙයි. ඒ අනුව ඉන්දියාවෙන් බිත්තරයක් රුපියල් 20/= වැනි මුදලකට ආනයනය කළ හැකි බවත් පවසන ඔහු එලෙස බිත්තර ආනයනය කොට සහන මිලකට ලබා දෙන ලෙස රජයෙන් ඉල්ලා සිටින බවද කියා සිටියේය.