රුපියල් එක් කෝටි විසි ලක්ෂයකට ආසන්න හිඟ මුදලක් ජල බිල්පත් සඳහා ගෙවීමට ඇති පාර්ලිමේන්තු මන්ත්රිවරුන් 76 දෙනා අතරින් 15 දෙනකු රුපියල් ලක්ෂ 32ක හිඟ ජල බිල්පත් තිබියදී මියගොස් ඇති බව ජල සම්පාදන මණ්ඩලයේ ආරංචි මාර්ග සඳහන් කරයි.
ඒ අනුව ඔවුන්ගෙන් අයවිය යුතු මුදල මේ තත්ත්වය තුළ අයකර ගැනීමේ අපහසුතාවක් උද්ගතව පවතින අතර, දැනට අමාත්ය ධුර දරමින් සිටි මන්ත්රීවරුන් පවා සිය නිල නිවාසවල ජල බිල්පත් විශාල ලෙස ගෙවීමට ඇති බව සඳහන් කරයි.
මෙම ආරංචි මාර්ගවලට අනුව දැනට අමාත්ය සහ රාජ්ය අමාත්ය වගකීම් උසුලන මන්ත්රීවරුන් ඇතුළු 34 දෙනකු රුපියල් ලක්ෂ 44 ක් ජල බිල්පත් ලෙස ගෙවීමට ඇති අතර, දැනට මන්ත්රී වගකීම් නොදරන තවත් 27 දෙනකු රුපියල් ලක්ෂ 41 ක මුදලක් ජල සම්පත් මණ්ඩලය වෙත ගෙවීමට ඇත. ඔවුන්ගෙන් මෙම මුදල් අයකර ගැනීම විශාල අභියෝගයක්ව ඇතැයිද එම ආරංචි මාර්ග සඳහන් කරයි.
lankasara