දිවයින පුරා ආප්ප, බිත්තර ආප්ප, නිෂ්පාදනය කිරීම 50% කින් අඩු වී ඇතැයි ආපනශාලා හිමියන්ගේ සංගමයේ සභාපති අසේල සම්පත් පවසනවා.
පවතින ආර්ථික තත්ත්වය හමුවේ පාරිභෝගිකයන් ආප්ප මිලදී ගැනීම සීමා කිරීම මෙන්ම ආප්ප බාස්ලාට ගෙවන වැටුප වැඩි නොකිරීම හේතුවෙන් ඔවුන් වෙනත් රැකියා සඳහා යොමුවීමට මෙයට හේතු වී ඇතැයි ඔහු වැඩි දුරටත් කියා සිටියේය. රට පුරා ආප්ප බාස්ලා 5,000 කට අධික පිරිසක් සේවය කළ බවත්, මේ තත්ත්වය හමුවේ ආප්ප බාස්ලා විශාල පිරිසක් රැකියාව අත්හැර ගොස් ඇති බවත් හෙතෙම පැවසීය.
පවතින තත්ත්වය හමුවේ ඉදිරියේදී පරිභෝගිකයන්ට ආප්පයක, බිත්තර ආප්පයක රස බැලීමටවත් නොලැබෙනු ඇතැයි ද අසේල සම්පත් වැඩිදුරටත් කියා සිටියා.