රටෙන් බාගයක් සමෘද්ධිලාභීන් . . .

පවත්නා ආර්ථික අර්බුදකාරී තත්ත්වය නිසා රටේ සමෘද්ධි සහනාධාර ලබන පුරවැසියන් ගණන කෝටියකට ආසන්න වී ඇතැයි වාර්තා වෙයි. පසුගිය වසර මුල්භාගය වනවිට එම සංඛ්‍යාව ලක්ෂ 68 ක් හෙවත් පවුල් ලක්ෂ 17 ක් (එක් පවුලකට හතරදෙනා බැගින්) විය.

එහෙත් මේ වසරේ එම පවුල් ලක්ෂ 17ට අමතරව තවත් පවුල් 7,26,000 ක් (හත්ලක්ෂ විසිහය දහසක්) සමෘද්ධි ආධාර පොරොත්තු ලේඛනයට එක්ව සිටින බව මුදල් අමාත්‍යංශයේ නවතම වාර්තා පෙන්වා දෙයි. ඒ අනුව එක් පවුලකට හතරදෙනා බැගින් වන සේ ගණන් බලන විට නව සමෘද්ධිලාභීන් ලක්ෂ 29 ක් පමණ සහනාධාර ඉල්ලන මට්ටමට පත්ව සිටිති.

රටේ සමස්ත ජනගහණය ලක්ෂ 222 ක් පමණ වෙද්දී එයින් ලක්ෂ 100 කට ආසන්න ගණනක් සමෘද්ධිලාභීන් බවට පත්වීම වාර්තාගත සිදුවීමක් බව ආර්ථික විශ්ලේෂකයෝ පවසති.

• දේශපාලන වාර්තාකරු