ඊයේ පස්වරුවේ කැබිතිගොල්ලෑව රඹකැපූවැව ප්රදේශයේදී ඇති වූ කලහකාරී තත්වයේදී පහරකෑමට ලක්වූ පොලිස් සැරයන්වරයා මියගොස් ඇත. 54 හැවිරිදි වාරියපොල පදිංචිකරුවෙක් වන ඔහුගේ දේහය මේ වනවිට මැදවච්චිය රෝහලේ තැන්පත් කර තිබේ.
ප්රදේශයේ පුද්ගලයෙකු ඊයේ පස්වරුයේ වන අලියෙකු පහරදීමෙන් මිය ගිය අතර ඊට විරෝධය පළ කරමින් මාර්ගය හරස් කරමින් ප්රදේශවාසීන් සිදුකල විරෝධතාවය පාලනය සදහා ගිය අවස්ථාවේ පොලිස් පරීක්ෂකවරයාට සහ තවත් නිලධාරීන් දෙදෙනෙකුට එහි සිටි පිරිස් පොලුවලින් පහර දී ඇතැයි පොලිසිය කියයි. එහිදී පොලීසිය අහසට වෙඩි තබා ඇති අතර ඒ පහර කෑ පොලිස් නිලධාරියා බේරා ගැනීමට බවත් පොලිසිය පවසයි.
සිදුවීමට සැකපිට මේ වන විට හිමිනමක් ඇතුළු සැකකරුවන් සිව්දෙනෙකු අත්අඩංගුවට ගෙන ඇත.