‘ඉන්දියාවේ පළමු ඡන්දදායකයා’ ලෙස හැඳින්වුණු ශ්‍යාම් සරන් නෙගී අභාවප්‍රාප්ත වී තිබේ. මිය යන විට ඔහුගේ වයස අවුරුදු 105කි.
බ්‍රිතාන්‍ය පාලනයෙන් නිදහස ලැබීමෙන් පසු ඉන්දියාවේ පැවති පළමු මහ මැතිවරණයේදී පළමු ඡන්දය භාවිත කළ ඡන්දදායකයා ශ්‍යාම් ලෙස පිළිගැනේ. 1952 වසරේ පැවති එම මහ මැතිවරණයේ හිමාචල් ප්‍රදේශ් ප්‍රාන්තයේ ඡන්ද විමසීම මාස කිහිපයකට පෙර 1951 වසරේදී පවත්වා ඇති අතර එහිදී ශ්‍යාම් සරන් නිදහස් ඉන්දියාවේ පළමු ඡන්දය භාවිත කර තිබිණි. එම මැතිවරණයෙන් ඉන්දීය කොංග්‍රස් පක්ෂයට විශිෂ්ට ජයක් හිමිවූ අතර, එහිදී ජවහර්ලාල් නේරු ඉන්දියාවේ ප්‍රජාතන්ත්‍රවාදීව පත්වූ පළමු අග්‍රාමාත්‍යවරයා බවට පත්විය. එතැන් සිට ඔහු ඉන්දියාවේ පැවති සෑම මැතිවරණයකදී ම ඡන්දය භාවිත කර ඇත.
පසුගිය සෙනසුරාදා ඔහු අභාවප්‍රාප්ත වීමට දින තුනකට පෙර හිමාචල් ප්‍රදේශ් ප්‍රාන්ත මැතිවරණය සඳහා ඡන්දය භාවිත කළේ ය. ඔහු වෘත්තියෙන් ගුරුවරයෙකු විය.
Janamina Sri Lanka Rupee Exchange Rate