කුඩා ළමුන් අතර මේ දිනවල ඉතා වේගයෙන් පැතිරයන උණ රෝග තත්ත්වයක් පවතින බව රිජ්වේ ආර්යා ළමා රෝහලේ විශේෂඥ වෛද්ය දීපාල් පෙරේරා පවසනවා. මේ අතර ඉන්ෆ්ලුවෙන්සා මෙන්ම ඩෙංගු උණ රෝගීන් ද බහුලව වාර්තා වන බවයි දීපාල් පෙරේරා පැවසුවේ.
උණ සමග කැස්ස, හෙම්බිරිසාව සහ සමහර අයට වමනය යාම වැනි රෝග ලක්ෂණ ළමුන්ට පෙන්නුම් කරන බව ද ඔහු කියා සිටියා. විවේකය ලබාදීම, දියර ආහාර ලබාදීම, පැරසිටමෝල් මාත්රාවක් ලබා දී ළමුන් නිවසේ තබාගන්නා ලෙසත් හදිසිම අවස්ථාවක එළියට යනවානම් මාස්ක් එකක් පළඳින ලෙසත් වෛද්යවරයා ඉල්ලා සිටියා.
විශේෂයෙන්ම මොන්ටිසොරි, දිවා සුරැකුම් මධ්යස්ථාන වලට යන ළමයින්ට රෝග ලක්ෂණ තිබේ නම් ඔවුන් නිවසේ තබා ගන්නා ලෙසත් දැනුම්දෙනවා.
දවස් තුනකට වැඩිය උණ තිබේනම් සම්පුර්ණ රුධිර පරික්ෂාවකට (ෆුල් බ්ලඩ් කවුන්ට්) දරුවාව යොමුකරන ලෙසත් වෛද්යවරයා අවධාරණය කළා.