ඉදිරි වර්ෂය සදහා ඉදරිපත් කරන ලද අය වැය තුලින් වතු කම්කරුවන්ට කිසිදු සහනයක් නොලැබුනත් එම අය වැය හොද බව පවසමින් ජිවන් තොණ්ඩමන් එයට පක්ෂව ඡන්දය දුන්නේ කැබිනට් ඇමතිධූරයක් ලබා ගැනිමේ අරමුණ මත බව සමස්ථ ලංකා ප්‍රගතිශීලි සේවක පෙරමුණේ සභාපති එස්. පී. ඉලංගෝ පවසයි.
හැටන්හි පිහිටි ඔහුගේ කාර්යාලයේදි මාධ්‍ය වෙත අදහස් දක්වමින් මේ බල පැවසු ඉලංගෝ එහිදි වැඩි දුරටත් මෙසේ පවසන ලදි. වතු කම්කරු ජනතාවගේ ඡන්දයෙන් පාර්ලීමේන්තු ගිය ප්‍රබල වතු කම්කරු වෘත්තිය සමිතියක් වන ලංකා කම්කරු කොංග්‍රසයේ නායකයක් වන ජිවන් තොණ්ඩමන් අය වැයෙන් වතු කම්කරුවන්ට කිසිදු සහනයක් නැතිනම් කොහොමද අය වැය හොදයි කියන්නේ.
වතුකර ජනතාව අද දැඩි ආර්ථික අපහසුකම් මතයි ජිවත් වෙන්නේ ඔවුන්ට ජිවත් වෙන්න නිසි වැටුපක් නැහැ දිනෙන් දින ඉහල යන ජිවන වියදමට සරලන ආදායමක් නැහැ එවන් තත්වයන් මත 2023 වර්ෂයට ඉදිරිපත් කරන ලද අය වැය තුලින් මේ වතු කර ජනතාවට කිසිම සහනයක් නැහැ එත් ජිවන් තොණ්මන් කියනවා අය වැය හොදයි එම නිසා අය වැයට පක්ෂව ඡන්දය දුන්නා කියලා.
මොහුට අවශ්‍ය කැබිනට් ඇමති කමක් ගන්න අය වැයට විපක්ෂව ඡන්දය දුන්නොත් එම කැබිනට් ඇමති කම ලැබෙන්නේ නැහැ එම නිසා මේ කැබිනට් ඇමති කම ගන්න ඕන නිසා වතු කර ජනතාවට මොනවා වුනත් අය වැයට පක්ෂව ඡන්දය ලබා දිමයි මොහු සිදු කලේ.
Janamina Sri Lanka Rupee Exchange Rate