බිත්තර තොග සහ සිල්ලරට අලෙවි කරන වෙලෙදුන් බිත්තර වෙලදාමෙන් ඉවත් විම නිසා ප්‍රදේශ රැසක දින කිහිපයක සිට බිත්තර හිගයක් පවති.
තමන් බිත්තර මිල දි ගන්නා බිත්තර නිෂ්පාදකයන් පාලන මිලට වඩා බිත්තර තොග මිලට තමන් වෙත ලබාදෙන බවත්, එම බිත්තර සිල්ලර මිලට අලෙවි කිරිමේදි පාරිභෝගික සේවා අධිකාරියේ නිලධාරින් වැටලිම් සිදු කර අධිකරණය වෙත ඉදිරිපත් කිරිම නිසා තමන්ට විශාල දඩ මුදලක් ගෙවිමට සිදු වන නිසා තමන් බිත්තර වෙලදාමෙන් දැනට තාවකාලිකව ඉවත් වි ඇති බව වෙලෙදුන් කියා සිටියි.
වසර ගණනාවක් තමන් බිත්තර අලෙවි කිරිමේ ව්‍යාපාර කටයුතු වල නියැලි සිටි බවත්, පවතින තත්ත්වය මත බිත්තර අලෙවි කර ලබා ගන්නා ලාභ මුදලට වඩා වැඩි මුදලක් දඩ මුදල් වශයෙන් ගෙවිමට සිදු වන නිසා තමන් බිත්තර වෙලදාමෙන් තාවකාලිකව ඉවත් වු නිසා වතුකරය පුරා දැඩි බිත්තර හිගයක් පවතින බව එම වෙලෙදුන් කියා සිටියි.
– රංජිත් රාජපක්ෂ
Janamina Sri Lanka Rupee Exchange Rate