වැඩිම පාඩු ලබන ආයතන තුන . . .

ලංකා විදුලිබල මණ්ඩලය, ලංකා ඛනිජ තෙල් නීතිගත සංස්ථාව සහ ශ්‍රී ලංකන් ගුවන් සමාගම පසුගිය වසරේ මුල් මාස අටේදී පමණක්  රුපියල් කෝටි අසූ පන් දහස් හාර සීයකට වැඩි  දැවැන්ත පාඩුවක් ලබා ඇතැයි  ආර්ථික අර්බුදයේ බලපෑම සමනය කිරීමේ පාර්ලිමේන්තු ආංශික අධීක්ෂණ කාරක සභාවේ සභාපතිරත්නපුර දිස්ත්‍රික් පාර්ලිමේන්තු මන්ත්‍රී ගාමිණී වලේබොඩ පැවසීය.

රාජ්‍ය ආයතනවල සමස්ත පාඩුවෙන්  99% ක් ජනනය කර ඇත්තේ මේ ආයතන තුන බව පැවසූ මන්ත්‍රීවරයා එම  ආයතන තුන වර්ෂ ගණනාවක් තිස්සේ අලාභ ලබන තත්වයක පවත්වාගෙන යෑම හේතුවෙන්  විශාල ණය බරක් ඇතිවී තිබෙන බවද ප්‍රකාශ කළේය. රටේ ප්‍රධාන රාජ්‍ය ව්‍යවසායන් 52 පසුගිය වසරේ මුල් මාස අට තුළ ලැබූ පාඩුව රුපියල් කෝටි හැත්තෑ දෙදහස්  හය සීයක් (72,600) බවද ඔහු සඳහන් කළේය. මෙම ආයතන පනස් දෙකෙන් රාජ්‍ය ව්‍යවසායන් 32 ක  බදු අය කිරීමට පෙර ලාභය  රුපියල් කෝටි 13400ක් බවත් ඉතිරි රාජ්‍ය ව්‍යවසායන් විසි එක   රුපියල් කෝටි අසූ හය දහස් එක සීයක(86100)  අලාභයක් වාර්තා කර ඇති බවත්  වලේබොඩ ප්‍රකාශ කළේය.

රාජ්‍ය මූල්‍ය අවදානම අවම කර ගැනීම සඳහා ලංකා ඛනිජ තෙල් නීතිගත සංස්ථාව සහ  ලංකා විදුලිබල මණ්ඩලය පිරිවැය මත පදනම්වූ මිලකරණයකට යෑමේ  සහ  ශ්‍රී ලංකන් ගුවන් සමාගම ප්‍රතිව්‍යුහගතකරණය  කිරීමේ අවශ්‍යතාව මතුව ඇතැයි මුදල් ආර්ථික ස්ථායිකරණ සහ ජාතික ප්‍රතිපත්ති අමාත්‍යාංශය රාජ්‍ය මූල්‍ය කළමනාකරණ වාර්තාව පෙන්වා දෙන බව පැවසූ හෙතෙම  මෙම ආයතන නගාසිටුවීමේ එකම මග පුද්ගලීකරණය  නොව රාජ්‍ය පුද්ගලික හවුල්කාරිත්වය (PPP)  යටතේ කටයුතු කිරීම බවද  පෙන්වා දුන්නේය.

මේ අතර 2022 වසරේ පළමු කාර්තුවේ සියයට  4.3 ක්ව පැවති සේවා වියුක්ති අනුපාතය එම වසරේ දෙවැනි කාර්තුව තුළ  සියයට 4.6 ක්  දක්වා ඉහළ ගොස් ඇතැයි ගාමිණී වලේබොඩ වැඩිදුරටත් පැවසීය.

  • සුජිත් හේවාජුලිගේ
Subscribe
Notify of
0 Comments
Inline Feedbacks
View all comments

Next Post

වැඩි මිලට ඖෂධ මිලගැනීම අඛණ්ඩව . . .

Sun Apr 2 , 2023
වැඩි මිලට ඖෂධ මිලගැනීම අඛණ්ඩව සිදුවන බවත් තවත් ඖෂධ දෙකක් වැඩි මිලට මිලගැනීමට සූදානම් වන බවත් සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේෂ් පවසයි. රුපියල් 7000 ක් වන ‘ගැන්සයික්ලෝවියන්’ නැමැති ප්‍රතිවෛරස එන්නත රුපියල් 77000 කට සහ රුපියල් 200 ක් වන ‘ලිනොසොලිඩ්’ නැමැති ප්‍රතිජීවකය රුපියල් 2200 කට මිලදීගැනීමේ වෑයමක් ඇති බවත් […]

හැඳින්වීම

” ජනමිණ ”

සිහනෙත් මාධ්‍ය ජාලයට අයත් වෙබ් අවකාශයකි. මෙම වෙබ් අවකාශය හරහා ප්‍රවෘත්ති හා විශේෂාංග තුලනාත්මක හා අරුත්බර මුහුණුවරකින් ඔබ වෙත රැගෙන ඒම අපේ අභිප්‍රායයි. ” ජනමිණ ” පාඨක ජනවින්‍යාසය වෙත නැවුම් පරිකල්පනයන් විවර කරන හරවත් නිර්මාණාත්මක ලේඛනයෙන් පොහොණි ය.

0
Would love your thoughts, please comment.x
()
x