පෙර පාසල් දරුවන්ගේ දිවා ආහාර වැඩසටහන සඳහා යුනිසෙෆ් ආයතනය හරහා ඍජු දායකත්වයක් සැපයීමට ප්‍රංශ රජය සහය පළ කර ඇත.
ශ්‍රී ලංකාවේ ප්‍රංශ තානාපති ජීන් ෆ්‍රැන්කොයිස් සමග කාන්තා, ළමා කටයුතු සහ සමාජ සවිබල ගැන්වීමේ රාජ්‍ය අමාත්‍ය ගීතා සමන්මලී කුමාරසිංහ අතර ඊයේ (අප්‍රේල් 24) අමාත්‍යාංශයේදී පැවැති හමුවකදී බව ප්‍රකාශ කර තිබේ. එහිදී ප්‍රංශ තානාපති දැනට ක්‍රියාත්මක පෙර පාසල් දරුවන්ගේ දිවා ආහාර වැඩසටහන සඳහා සෘජු දායකත්වයක් යුනිසෙෆ් ආයතනය මගින් ලබා දීමට එකඟතාව පළ කර ඇත. මීට අමතරව ප්‍රංශ තානාපති හා ජනාධිපතිවරයා අතර හමුවක් ද පැවත්වීමට මෙහිදී තීරණය විය.
මොනරාගල ළමා සුරැකුම් මධ්‍යස්ථානයේ වැඩකටයුතු නිම කිරීම, ළමා හා කාන්තා හිංසන පිළිබඳ දැනුම්දීම සඳහා හඳුන්වා දී ඇති දුරකතන අංක සඳහන් (1929, 1938) ස්ටිකරයක් මුද්‍රණය කිරීම, වතුකරයේ වැඩ කරන පුරුෂ පක්ෂයට සාපේක්ෂව කාන්තාවන්ගේ වැටුප අඩු අගයක් ගැනීම, ස්ත්‍රී පුරුෂ සමාජභාවිය සමානාත්මතාව හා කාන්තා සවිබල ගැන්වීමේ ජාතික ප්‍රතිපත්තිය පිළිබඳව අමාත්‍යවරිය ප්‍රංශ තානාපතිවරයා දැනුවත් කළා ය.
මෙම අවස්ථාවට අමාත්‍යාංශ ලේකම් යමුනා පෙරේරා ද සහභාගි වූවා ය.
Janamina Sri Lanka Rupee Exchange Rate