ගෝල්ෆේස් ආශ්‍රිතව පසුගිය මැයි 09 වනදා සිදුවූ ප්‍රචණ්ඩකාරී සිද්ධිය සම්බන්ධයෙන් හිටපු ජනාධිපති මහින්ද රාජපක්ෂ, ඇමති පවිත්‍රා වන්නිආරච්චි, පාර්ලිමේන්තු මන්ත්‍රී රෝහිත අබේගුණවර්ධන සහ හිටපු පළාත් සභා මන්ත්‍රී කංචන ජයරත්න යන පිරිසට එරෙහිව පනවා තිබූ විදෙස් ගමන් තහනම සම්පූර්ණයෙන් ඉවත්කිරීමට කොටුව මහෙස්ත්‍රාත් අධිකරණය විසින් අද (17) නියෝග කර තිබේ.
මෙම නියෝගය ආගමන විගමන පාලක ජනරාල්වරයා වෙත යොමු කරන ලෙසත් විදේශ ගමන් බලපත්‍ර මුදාහරින ලෙසත් මහෙස්ත්‍රාත්වරයාගේ නියෝගයේ සඳහන් ය. එමෙන්ම සිව්වන සැකකරු වන පාර්ලිමේන්තු මන්ත්‍රී මිලාන් ජයතිලක ඇතුලු දෙදෙනෙකුගේ විදේශ ගමන් තහනමද ඉදිරි දින දක්වා අමතර රුපියල් මිලියන 10ක ශරීර ඇපයක් මත මුදාහරින ලෙස මහෙස්ත්‍රාත්වරයා නියෝග කර ඇත.
මෙම සිද්ධියට අදාළව නීතිපතිවරයා විසින් සැකකරුවෙකු ලෙස නම් කරන ලෙස උපදෙස් ලබාදී ඇති ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් අභියාචනාධිකරණයේ රීට් අයදුම්පත් ගොනුකර ඇති බවත් ඊට අදාළව ගොනුව ලද බවත් අපරාධ පරීක්ෂණ දෙපාර්තමේන්තුව අද අධිකරණයට දන්වා තිබේ.
Janamina Sri Lanka Rupee Exchange Rate