අවිස්සාවේල්ල ලංගම බස් නැවතුම්පොළේ නගරසභා ගොඩනැගිල්ලේ පිහිටි ජංගම දුරකථන අලෙවි හා උපාංග අළෙවි කිරීමේ මධ්‍යස්ථානයක් වෙත රාත්‍රීකාලයේ දී ඇතුළු වූ පුද්ගලයෙක් එහි දේපළ සොරකම් කර තිබේ.
එම දේපළ සොරකම් කරන අයුරු සිසිටිවි කැමරාවේ සටහන්ව තිබිණි. වෙළෙඳසැලට ඇතුළුවන පුද්ගලයා ගිණිකූරු දල්වමින් දේපල සොරකම් කරන අයුරු එහි සටහන් වේ.
ඉකුත් කාලයේ පුරා මේ ආකාරයෙන් අවිස්සාවේල්ලේ තවත් ජංගම දුරකතන අලෙවි සැල් දෙකක සොරකම් සිදුකර තිබේ.
මෙම පුද්ගලයා සම්බන්ධයෙන් යම් තොරතුරක් දන්නේ නම් සීතාවක කොට්ඨාස භාර ජ්‍යෙෂ්ඨ පොලිස් අධිකාරී චන්දන කොඩිතුවක්කු වෙත 0718591423 දුරකථන අංකය හරහා දැනුම් දෙන ලෙස පොලිසිය ඉල්ලා සිටියි.
- බණ්ඩාරගම – බිමල් ශ්‍යාමන් ජයසිංහ
Janamina Sri Lanka Rupee Exchange Rate