පළාත් පාලන මැතිවණයට ඉදිරිපත් වු රාජ්‍ය සේවකයින්ට නැවත තමන් රාජකාරී කළ ස්ථානවලම සේවයට වාර්තා කිරිමට ඉඩ දෙන ලෙස ඉල්ලමින් ශ්‍රී ලංකා නිදහස් පක්ෂය රාජ්‍ය පරිපාලන අමාත්‍යංශයට අද (24) සංදේශයක් භාර දුන්නේය.
මෙම අවස්ථාවට ශ්‍රී ලංකා නිදහස් පක්ෂයේ සභාපති හිටපු ජනාධිපති මෛත්‍රීපාල සිරිසේන, මහලේකම් දයාසිරි ජයසේකර, පාර්ලිමේන්තු මන්ත්‍රී දුෂ්මන්ත මිත්‍රපාල හා කොළඹ මහ නගර සභාවේ හිටපු විපක්ෂ නායක එම්.එච්. මන්සිල් ඇතුළු 2023 පළාත් පාලන මැතිවරණයේ අපේක්ෂකයින් පිරිසක් එක්ව සිටියහ.
නිදහස් චතුරස්‍රය අසළ සිට පා ගමනින් පැමිණ පිරිස අමාත්‍යංශ්‍ය ඉදිරිපිට රැදී සිටි අතර ශ්‍රී ලංකා නිදහස් පක්ෂයේ මහලේකම් ඇතුලු පිරිසක් අමාත්‍යංශයේ ලේකම් හමුවී සංදේශය භාරදීම සඳහා අමාත්‍යංශය වෙත ගියහ.
- මුදිතා දයානන්ද / ළහිරු හර්ෂණ
Janamina Sri Lanka Rupee Exchange Rate