වහලය උඩ උපවාස කල සිරකරුවෙකු අධික අව්රශ්මියෙන් රෝගීවේ . . .

යාපනය බන්ධනාගාරයේ සිරගතව සිටින සිරකරුවෙකු ආහාර වර්ජනය කරමින් බන්ධනාගාරයේ වහලය උඩට නැග විරෝධතාවක නිරත වෙමින් සිටින අතරතුරදී ඇති විජලන තත්වයක් හේතුවෙන් එම සිරකරු රෝහලගත කල බවට බන්ධනාගාර නිලධාරීන් පැවසූහ.

අදාල සිරකරු මාතර ප්‍රදේශයේ පදිංචි 41 හැවිරිදි අයෙකු වන අතර ඔහු  අහාර වර්ජනය කරමින් තමන් යාපනය බන්ධනාගාරයේ සිට වෙනත් බන්ධනාගාරයකට මාරුකර යවන මෙන් බන්ධනාගාර නිලධාරීන්ගෙන් ඉල්ලා සිට ඇත. අනතුරුව අදාල සිරකරු විසින් බන්ධනාගාරයේ වහලට නැග තමන් වෙනත් බන්ධනාගාරයකට මාරුකරන ලෙසටත් එතෙක් වහලයෙන් නොබසින බවටත් පවසමින් ආහාරද වර්ජනය කරමින් විරෝධතාවයේ නිරතව ඇත.

කෙසේ වෙතත් ඊයේ දින යාපනය බලපෑ අධික පෑවිල්ලත් සමග බලපෑ අධික අව්රශ්මිය සිරකරුට ඉවසාගත නොහැකි වීමෙන් විජලන තත්වයට පත්ව ඇත. පසුව බන්ධනාගාර නිලධාරීන් සිරකරුවන ඉතා අසීරුවෙන් වහලයෙන් බස්සවා ගැනීමට පියවර ගන්නා ලදි.

කෙසේ වෙතත් අදාල සිරකරු විජලන තත්වයෙන් සිටීම හේතුවෙන් බන්ධනාගාර රෝහලට ඇතුලත් කිරීමට පියවර ගනු ලැබීය.

• වන්නි රොමේෂ් මධුෂංඛ