ආර්ථික වර්ධනය පහළට . . .

2023 වර්ෂයේ පළමුවන කාර්තුවේ මෙරට දළ දේශීය නිෂ්පාදනය ඝෘණ වර්ධනයක් වාර්තා කර ඇති බව ජනලේඛන හා සංඛ්‍යා ලේඛන දෙපාර්තමේන්තුව නිවේදනයක් නිකුත් කරමින් පවසයි.

එහි සඳහන් වන්නේ 2023 වර්ෂයේ පළමුවන කාර්තුවේ දළ දේශීය නිෂ්පාදිතයේ වර්ධනය 11.5%ක ඝෘණාත්මක වර්ධනයක් වාර්තාවී ඇති බවය. 2023 වර්ෂයේ පළමුවන කාර්තුවේ දී කෘෂිකාර්මික ආර්ථික කටයුතු 0.8%ක සුළු වර්ධනයක් වාර්තා කර තිබේ.

කර්මාන්ත ආර්ථික කටයුතු 23.4%ක් හා සේවා ආර්ථික කටයුතු 5.0%ක් වශයෙන් පසුබැස ඇත.

2022 වර්ෂයේ පළමුවන කාර්තුවේ ස්ථාවර මිල (2015) ගණන් යටතේ රුපියල් මිලියන 3,519,400ක් ලෙස වාර්තා වූ දළ දේශීය නිෂ්පාදිතය 2023 වර්ෂයේ පළමුවන කාර්තුවේදී රුපියල් මිලියන 3,114,187ක් ලෙස පහත වැටී තිබේ.