මේ මොහොතේ වාහන ආනයනයට ඉඩ දිය නොහැකි බව මුදල් රාජ්ය අමාත්ය රංජිත් සියඹලාපිටිය සඳහන් කරයි. පවතින විදේශ සංචිත තත්වය මත වාහන ආනයන සීමා තවදුරටත් පවත්වා ගැනීමට සිදු වන බවද හෙතෙම පැවසීය.
ආසන්න දිනවල දී ඩොලරයේ මිල ඉහළ නැග්ගේ ඩොලරයට ඇති ඉල්ලුම මත බවත් තෙල් සංස්ථාව විසින් ඉන්ධන මිල දී ගැනීම සඳහා ඩොලර් එකවර ලබා ගැනීම ඩොලරයට බලපෑ බව ද හෙතෙම කියා සිටියි.
කෙසේ වෙතත් අද දිනයේ නැවතත් ඩොලරයේ මිල පහළ බැස ඇති බවත් මෙය සාමාන්ය තත්ත්වයක් බවත් හෙතෙම පැවසීය.