පොලීසිය සිදුකළ වෙඩි ප්රහාරයකින් 17 හැවිරිදි තරුණයෙකු ජීවිතක්ෂයට පත්වීමේ සිද්ධියක් මුල් කරගනිමින් ප්රංශයේ පැරිස් නුවර විරෝධතා ආරම්භ වී තිබේ.
අණ නොතකා සිය මෝටර් රථය ධාවනය කළ බවට රථවාහන රාජකාරියේ නිරත පොලිස් නිළධාරියෙකු විසින් අදාල තරුණයාට වෙඩි තැබීම සිදුකර ඇති බව විදෙස් මාධ්ය වාර්තා කළේය.
සිද්ධියත් සමග පැරිස් නුවර ඇතුළු ප්රදේශ කිහිපයක නොසන්සුන්කාරී තත්වයක් හටගෙන ඇති අතර විරෝධතාවල නිරත පිරිස් විසුරුවා හැරීමට පොලීසිය කදුළු ගෑස් ප්රහාරද එල්ල කර ඇති බව වාර්තා වේ.
විරෝධතා අතරතුර රථවාහන රැසකටද ගිණිතබා තිබේ.
සිද්ධියට සම්බන්ධ පොලිස් නිළධාරියාට එරෙහිව මිනී මැරුම් චෝදනා යටතේ විමර්ශනයක් ආරම්භ කර ඇති අතර විරෝධතාවන්ට සම්බන්ධ වු පුද්ගලයින් 20කට අධික පිරිසක් අත්අඩංගුවට ගෙන ඇති බව විදෙස් මාධ්ය වැඩිදුරටත් වාර්තා කළේය.