හෙද හෙදියන් බඳවා ගැනීමේදී කලා විෂය ධාරාව හැදෑරුවන් ද හෙද පුහුණුව සඳහා බඳවා ගැනීමට හැකිවන ලෙස රෙගුලාසි සංශෝධනය කළ යුතු බව ජනාධිපති රනිල් වික්‍රමසිංහ පවසයි.
සෞඛ්‍ය නිලධාරීන් සමඟ පැවැති සාකච්ඡාවකදී යි ජනාධිපතිවරයා මේ බව සඳහන් කළේය.
සෞඛ්‍ය ක්ෂේත්‍රයට අදාළ ගැටලු සාකච්ඡා කිරීමේ රැස්වීමකදී ජනාධිපතිවරයා ප්‍රකාශ කළේ ජනතාවට ඖෂධ ලබා ගැනීමේ ප්‍රමාදයක් සිදු නොවන බවට සහ ශ්‍රී ලංකාවේ පවතින සියලුම ඖෂධ සම්බන්ධයෙන් සෞඛ්‍ය අමාත්‍යාංශය සහතික විය යුතු බවයි.
සෞඛ්‍ය අමාත්‍යාංශය විසින් පවත්වාගෙන යනු ලබන වෙබ් අඩවි මගින් දිනකට ලබා ගත හැකි මුළු ඖෂධ ප්‍රමාණය සහ දිනකට එක් එක් රෝහලෙහි පවතින ප්‍රමාණය සම්බන්ධ තොරතුරු ප්‍රසිද්ධියට පත් කළ යුතු බව ජනාධිපතිවරයා පැවසීය.
ජාලකරණ පද්ධතිය මගින් රෝහල් අතර ඖෂධ හුවමාරු කර ගැනීමට ද කටයුතු සැලසුම් කළ යුතු බව ජනාධිපතිවරයා සඳහන් කර තිබේ.
හෙද හෙදියන් බඳවා ගැනීමේදී කලා විෂයයන් සඳහා සුදුසුකම් ඇති අය පුහුණුව සඳහා ද සලකා බලන පරිදි රෙගුලාසි වෙනස් කළ යුතු බව ද ජනාධිපති රනිල් වික්‍රමසිංහ වැඩිදුරටත් ප්‍රකාශ කළේය.
Janamina Sri Lanka Rupee Exchange Rate