පසුගියදා පකිස්තානයේ විපක්ෂ නායක ඉම්රාන් ඛාන්ට එරෙහිව දූෂණ චෝදනා එල්ල කරමින් සිරගත කළ අතර වත්මන් අගමැති ෂෙහ්බාස් ෂරීෆ්ගේ උපදෙස් මත එරට ජනාධිපති අසීෆ් අලී විසින් ඊයේ (09) මධ්‍යම රාත්‍රියේ පකිස්තාන පාර්ලිමේන්තුව විසුරුවා හැර තිබේ.
මහ මැතිවරණය ලබන නොවැම්බර් මාසයේ පැවැත්වීමට සූදානම් වන නුමත් එරට මැතිවරණ කොමිසම පවසා ඇත්තේ මැතිවරණය තවත් කල් යෑමට ඉඩ ඇති බවය.
පාකිස්තානය මේ වනවිට ආර්ථික අර්බුදයකට මෙන්ම දේශපාලන අර්බුදයකටද මුහුණ පා සිටී.
දූෂණ චෝදනාවලට වරදකරු වී බන්ධනාගාරගත කළ හිටපු අග්‍රාමාත්‍ය ඉම්රාන් ඛාන්ට වසර 05ක් දේශපාලනය තහනම් බැවින්, ඉදිරියේ දී පැවැත්වෙන මහ මැතිවරණ ඉම්රාන්ට අහිමි වනු ඇතැයි දේශපාලන විශ්ලේෂකයෝ පෙන්වා දෙති.
ඉම්රාන් ඛාන්ට ධුරය අහිමි වූයේ පසුගිය 2022 අප්‍රේල් මාසයේය. ඒ, විපක්ෂ සන්ධානය, ඉම්රාන්ට එරෙහිව පාර්ලිමේන්තුවට ගෙනා විශ්වාසභංගයෙන් පරාජය වීමෙනි.
විශ්වාසභංගය පාර්ලිමේන්තුවට ගෙනා විපක්ෂ සන්ධානයට නායකත්වය දුන්නේ එවකට විපක්ෂ නායක ලෙස කටයුතු කළ ෂෙහ්බාස් ෂරීෆ්ය.
ඉම්රාන් ඛාන් ප්‍රමුඛ ඔහුගේ ‘තරීක් ඊ ඉන්සාෆ්’ පක්ෂය බලයට පැමිණියේ 2018 මහ මැතිවරණයෙනි. අදටත් පාකිස්තානයේ ජනප්‍රියතම දේශපාලන තරුව ලෙස සැලකෙන්නේ ද ඉම්රාන් ඛාන්ය.
Janamina Sri Lanka Rupee Exchange Rate