අන්තර්ජාලය හරහා දැවැන්ත මුදලක් වංචා කළ විදෙස් ජාතික කාන්තාවක් පොලීසිය විසින් අත්අඩංගුවට ගෙන තිබේ.
පොලිස් මූල්‍ය අපරාධ විමර්ශන කොට්ඨාශය විසින් මෙලෙස අත්අඩංගුවට ගෙන ඇත්තේ යුක්‍රේන ජාතික කාන්තාවකි.
මෙහිදී වංචා කර ඇති මුදල ලෙස වාර්තාවන්නේ රුපියල් එක්කෝටි තිස් හත් ලක්ෂයකි.
සිද්ධිය සම්බන්ධයෙන් මීට පෙර සැකකරුවන් 10දෙනෙකු අත්අඩංගුවට ගෙන ඇති අතර සිටි එක් අයෙකු යුක්‍රේන ජාතික කාන්තාවක් බවට අනාවරණය වී තිබේ.
මෙලෙස වංචා කර ඇති මුදල බැර කර ඇත්තේ අදාළ කාන්තාවගේ ගිණුමටය.
2022 වසරේ නොවැම්බර් මාසයේදී මෙරට ප්‍රධාන පෙළේ බැංකුවක පිහිටි ගිණුමක් වෙත නීතිවිරෝධී ලෙස අන්තර්ජාලය ඔස්සේ පිවිස එක්කෝටි තිස් හත් ලක්ෂයක (14000000) මුදල අදාළ කාන්තාවගේ ගිණුමට බැරකර ඇති බව හෙළිවී තිබේ.
සාවද්‍ය මුදල් පරිහරහණය කිරීමේ චෝදනාව යටතේ අත්අඩංගුවට ගෙන අලුත්කඩේ මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව සැකකාර කාන්තාව ඇප මත මුදාහැරීමට අධිකරණය නියෝග කර ඇත.
අදාළ යුක්‍රේන ජාතික සැකකාර කාන්තාව වයස අවුරුදු 3ක දරුවෙකුගේ මවක් වීම ඇතුලු කරුණු කිහිපයක් සලකාබැලීමෙන් අනතුරුව අධිකරණය මෙම තීරණය ගෙන ඇත.
Janamina Sri Lanka Rupee Exchange Rate