සේවක අර්ථ සාධක අරමුදලට සම්බන්ධ ලිපි ලේඛන සුරක්‍ෂිතව තබා ගන්නා ලෙස ශ්‍රී ලංකා මහ බැංකුව එහි සමාජිකයන්ගෙන් සහ සේවා යෝජකයන්ගෙන් නිවේදනයක් නිකුත් කරමින් ඉල්ලා සිටියි.
එම අරමුදලට සම්බන්ධ ලේඛණ ව්‍යාජ ලෙස සකස් කර ඉදිරිපත් කර ඇතැයි තොරතුරු ලැබී ඇති බවත් මහ බැංකුවේ සේවක අර්ථ සාධක අරමුදල් දෙපාර්තමේන්තුව නිකුත් කරන ලේඛන සැක සහිත යැයි විදේශ තානාපති කාර්යාල ඇතුළු විවිධ ආයතන දැනුම් දී ඇති බවත් මහ බැංකුව පවසයි.
මෙම තත්වය තුළ ආයතන රැසකට ඉදිරිපත් කළ ලේඛන රැසක සත්‍ය අසත්‍යතාවය තහවුරු කරන ලෙස එම ආයතන ඉල්ලා ඇති බවත් වීසා ගැනීම සහ පළපුරුද්ද වැනි දේවල් සනාථ කිරීමට මෙසේ ව්‍යාජ ලේඛන ඉදිරිපත් කර ඇති බවත් මහ බැංකුව වැඩි දුරටත් කියයි.
- යොහාන් භාසුර
Janamina Sri Lanka Rupee Exchange Rate