විදුලි බිල නොගෙවූ පාරිභෝගිකයන්ගේ විදුලිය කපයි . . .

හිග විදුලි බිල නොගෙවීම හේතුවෙන් රට පුරා 5,000කට ආසන්න විදුලි පාරිභෝගිකයන් පිරිසකගේ විදුලි සැපයුම විසන්ධි කර තිබේ.

ඉන් වැඩි පිරිසක් විදුලි සැපයුම නැවත ලබා ගැනීමට ඉල්ලුම් කර ඇතත් 10%කට ආසන්න පිරිසක් විදුලි සබඳතා නැවත ලබා නොගෙන අඳුරේම සිටින බව විදුලිබල මණ්ඩලය ආරංචි මාර්ග කියා සිටී.

කොළඹ හා ගම්පහ දිස්ත්‍රික්කවල නොගෙවූ විදුලි බිල්පත් අනෙක් දිස්ත‍්‍රික්කවලට සාපේක්ෂව බෙහෙවින් ඉහළ ගොස් ඇත.

විදුලි ගාස්තු නොගෙවූ ආයතන සහ නිවාස වල විදුලිය විසන්ධි කිරීමට මණ්ඩලය විසින් පසුගිය මාස කිහිපය තුළ කටයුතු කර ඇත.