ආගමන හා විගමන දෙපාර්තමේන්තුව විසින් දැනට ක්‍රියාත්මක කරනු ලබන වීසා ක්‍රමවේදය සරල කිරීම කෙරෙහි රජයේ අවධානය යොමුවී තිබේ.
මේ වනවිට ශ්‍රී ලංකාවේ පවතින රෙගුලාසීන් අනුව මෙරටදී පැමිණීමේ වීසා, වාස වීසා සහ මාර්ගස්ථ වීසා යන වීසා වර්ග තුන නිකුත් කරයි.
ඒ අතුරින් පැමිණීමේ වීසා සහ වාස වීසා යන වීසා කාණ්ඩ දෙකෙහි නිකුත් කිරීමේ ක්‍රමවේද සංකීර්ණ බව හඳුනාගෙන ඇත.
එබැවින් වැඩි විදේශ ආකර්ෂණයක් ඇති රටවල ක්‍රියාත්මක වීසා ක්‍රමවේදයන් සලකා බලා මෙරට වීසා ක්‍රමවේදය නැවත සමාලෝචනය කිරීමට මහජන ආරක්ෂක අමාත්‍යාංශය තීරණය කර තිබේ.
ඒ අනුව දැනට පවතින වීසා ක්‍රමවේදය වඩාත් සරල කිරීමට මහජන ආරක්ෂක අමාත්‍යවරයා ඉදිරිපත්කළ යෝජනාව කැබිනට් අමාත්‍ය මණ්ඩලය අනුමත කළේය.
Janamina Sri Lanka Rupee Exchange Rate