මැණික් තොගයක් නීතිවිරෝධී ලෙස මෙරටින් රැගෙනයාමට උත්සාහ කළ කාන්තාවක් කටුනායකදී අත්අඩංගුවට ගෙන තිබේ. මෙලෙස අත්අඩංගුවට ගෙන ඇත්තේ ශ්‍රී ලාංකික ව්‍යාපාරික කාන්තාවකි.
30 හැවිරිදි වියේ පසුවන මෙම කාන්තාව ඔරුගොඩවත්ත ප්‍රදේශයේ පදිංචිකාරිනියක් බවට අනාවරණය වී ඇත.
අද උදෑසන ඇය කටුනායක සිට චෙන්නායි බලා ගමන් කිරීමට පැමිණ සිටියදී මෙලෙස අත්අඩංගුවට ගෙන තිබේ.
එහිදී ඇයගේ ඇඳුම් තුළ සඟවාගෙන සිටියදී සොයාගෙන ඇති මැණික් තොගයේ බර ග්‍රෑම් 2311.75ක් බවට අනාවරණය වී ඇත.
එහි තිබූ විවිධ වර්ගයේ මැණික් තොගයේ වෙළෙඳපොළ වටිනාකම රුපියල් කෝටි 29.1 ක් බවට ගණන් බලා ඇත.
ගුවන්තොටුපොළ රේගු නිලධාරීන් විසින් වැඩිදුර විමර්ශන සිදුකිරීමෙන් අනතුරුව එම කාන්තාව අධිකරණය වෙත ඉදිරිපත් කිරීමට නියමිතව ඇත.
Janamina Sri Lanka Rupee Exchange Rate