තම පෙම්වතා විසින් අමානුෂික ලෙස පහර දීමකට හා වධහිංසා පැමිණවීමකට ලක්වීමේ හේතුවෙන් විසි නව හැවිරිදි තරුණියක් වතුපිටිවල රෝහලේ දැඩි සත්කාර ඒකකයට ඇතුළත් කර තිබේ.
රෝහල් ආරංචිමාර්ග සඳහන් කරන්නේ ශ්වසන ආධාරක යන්ත්‍රයක් සවි කර ඇති ඇගේ ජීවිතය අවදානම් තත්ත්වයක පවතින බවයි.
රෝහල් ගත කර ඇති ඇයගේ තත්ත්වය අසාධ්‍ය වෙමින් කොළඹ ජාතික රෝහලට මාරු කර යැව්වද ඇයගේ ජීවිතය බේරා ගැනීමට නොහැකි තත්ත්වයක පවතින නිසා නැවතත් වතුපිටිවල රෝහලටම යැවීමට කටයුතු කර තිබේ.
මෙම තරුණිය අනියම් ප්‍රේම සම්බන්ධයක් ඇති බවට චෝදනා කරමින් ඇගේ පෙම්වතා විසින් ඇය ප්‍රදේශයේ ලැගුම්හලකට බලහත්කාරයෙන් ගෙන ගොස් රැය පහන් වන තුරු අමානුෂික ලෙස වදහිංසා පමුණුවමින් පහර දී ඇති බව වාර්තා වෙයි.
පෙම්වතියට පහරදුන් ඇගේ පෙම්වතා පොලිසිය විසින් අත්අඩංගුවට ගෙන ඇත.
මොවුන් දෙදෙනාම රජරට විශ්ව විද්‍යාලයේ අධ්‍යාපනය ලැබූ අය වන අතර එම කාල සීමාවේ සිට ප්‍රේම සම්බන්ධතාවය පවත්වාගෙන ගොස් තිබේ.
අධ්‍යාපනය අවසන් කිරීමෙන් පසු පෙම්වතිය නිට්ටඹුව ප්‍රදේශයේ කර්මාන්ත ශාලාවක රැකියාවක් කරමින් ඇති අතර සිට ඇති අතර පෙම්වතා රත්නපුර ප්‍රදේශයේ මැණික් කර්මාන්තයට සම්බන්ධ වී ඇත.
Janamina Sri Lanka Rupee Exchange Rate