යළි කොළඹට එන Cathay Pacific . . .

හොංකොං සිට මෙහෙයුම් සිදුකරන කැතේ පැසිෆික් ගුවන් සේවය යළිත් ශ්‍රී ලංකාව වෙත ගුවන් ගමන් ආරම්භ කිරීමට තීරණය කර තිබේ.

ඒ අනුව, 2024 පෙබරවාරි 2 වන දා සිට හොංකොං සිට කටුනායකට සහ කටුනායක සිට හොංකොං වෙත කැතේ පැසිෆික් ගුවන් ගමන් සිදු කරන බව සඳහන් ය.

කැතේ පැසිෆික් යනු ආසියාව, පැසිෆික් කලාපය, උතුරු අමෙරිකාව, යුරෝපය, මැදපෙරදිග සහ අප්‍රිකාව හරහා විහිදෙන ජාලයක් සපයන ජාත්‍යන්තර ගුවන් සේවයකි.

ගුවන් යානා 139ක් ඇති එම ගුවන් සේවය රටවල් 42ක ගමනාන්ත 182කට සේවා සපයනු ලබයි.

• mawbima