රජය විසින් පුද්ගලික වෛද්‍ය විද්‍යාල තුනක් පිහිටුවීමට සමගාමීව මොරටුව විශ්ව විද්‍යාලයේ ඉංජිනේරු උපාධිය විකිනීමට තීරණය කර ඇතැයි අන්තර් විශ්ව විද්‍යාල ශිෂ්‍ය බල මණ්ඩලය පවසයි.
එහි කැඳවුම්කරු මධුෂාන් චන්ද‍්‍රජිත් සඳහන් කරන්නේ මොරටුව විශ්ව විද්‍යාලයේ ඉංජිනේරු උපාධිය මුදලට විකිණීමට සඳහා පීඨයට ඇතුළත් වන සිසුන්ට මාස 6 ට පසු පැවැත්වෙන මූලික විභාගය පවා අහෝසි කර දැමීමට සැලසුම් කර ඇති බවයි.
ඉංජිනේරු උපාධිය අඩු අධ්‍යාපන සුදුසුකම් සහිත පිරිස් සඳහා මුදලට විකිණීමට මේ ආකාරයට කටයුතු කරමින් තිබෙන බවත් මේ හරහා උපාධියද ගුණාත්මක භාවයට බලපාන බව හෙතෙම පැවසීය.
වෛද්‍ය පීඨ ආචාර්ය වරුන්ගේ හිඟයක් ඇති වී තිබියදී පවා ඊට විසදුම් නොදී පෞද්ගලික වෛද්‍ය පිඨ තුනක් ඇති කිරීමට ආණ්ඩුව සැලසුම් කර ඇති බවත් ඊට දැඩි විරෝධය දක්වන බවත් ඔහු තවදුරටත් කියා සිටියේය.
ඉන්ජිනේරු උපාධිය විකිනීමට සැලසුම් කිරීමට එරෙහිව හා පෞද්ගලික වෛද්‍ය පීඨ ඇති කිරීමට සැලසුම පරාජය කිරීමට සරසවි සිසුන් ඒකාබද්ධ කර දැවැන්ත විරෝධතා ව්‍යාපාර පවත්වන බවත් තවදුරටත් කියා සිටියේය.
Janamina Sri Lanka Rupee Exchange Rate