ඵෙතිහාසික නීලගිරි සෑයේ සිදුකරන සංරක්ෂණ පාදාගැනීමේ කටයුතුවලදී මැටියෙන් නිමකල ඉපැරණි මංජුසාවක් හමුවී ඇති බව පුරාවිද්යා දෙපාර්තමේන්තු කාර්යාලය පවසයි.
අම්පාර දිස්ත්රික්කයේ ලාහුගල ප්රාදේශීය ලේකම් කොට්ඨාසයට අයත් පැරණි ගොවිපල වසමේ වනගත ප්රදේශයක මෙම සිද්ධස්ථානය පිහිටා ඇත.
චෛත්ය ආශ්රිතව ගිලිහී යමින් තිබුණ ස්ථානයක තිබී හමුවූ මෙම මංජුසාව මෙයට පෙර හමුවූ පුරාවස්තු මෙන් එම ස්ථානවලම තැන්පත් කිරීමට නොහැකි විය. ඒ අනුව පුරාවස්තුවක් ලෙස ලේඛණ ගත කොට අදාල අංශ දැනුම්වත් කිරීමට කැනීම් නිලධාරීහු පියවර ගෙන තිබිණී.
සුදු පාට වර්නයක් ආලේප කර ඇති බවට සලකුණූ දක්නට ඇති මෙම මංජුසාවෙහි වැස්ම ස්ථාන පහකින් පමණ කැඩී පුපුරා ගොස් තිබුණ අතර, ඒ තුල පිරී තිබුණ පස් ඉවත් කිරීමට පියවර ගෙන ඇත.
එහිදී පළිඟු පාෂාණයෙන් නිමකර ඇති බවට අනුමාන කළ හැකි කරඬු දෙකක කොටස් හමුවී ඇත.
ඒ සඳහා සිදු කිරීමට නියමිත විද්යාගාර පරීක්ෂණවලින් අනතුරුව ඒවා තුල ධාතූන් වහන්සේලා තැන්පත් කර තුබුණාද යන්න ගැන හා තඹහෝ රන්පත් වල සඳහන් වූ තොරතුරු ගැන අනාවරණයක් කළ හැකි වන බව පුරාවිද්යා නිලධාරීහු පවසති.
- නවරත්න සමරතුංග සහ වසන්ත චන්ද්රපාල