වරායේ හිරවූ කෑම කන්ටේනර් . . .

ආයතන කිහිපයකින් අනුමැතීන් (නිර්දේශ) ලැබීමේ ප්‍රමාදය හේතුවෙන් කෝටි 74 කට වැඩි වටිනා ආහාර ද්‍රව්‍ය ඇතුළත් බහාලුම් 115ක් නිදහස් කිරීමට ශ්‍රී ලංකා රේගුවට වසර දෙකකට වැඩි කාලයක් ගතවීමෙන් එම ද්‍රව්‍ය විනාශවීමේ අවදානමක් පැවතුණු බව ජාතික විගණන කාර්යාලය පවසයි.

මෙසේ ප්‍රමාදවී ඇතැයි පැවසෙන්නේ එම භාණ්ඩ නිදහස් කිරීමට කෘෂිකර්ම දෙපාර්තමේන්තුව සහ සෞඛ්‍ය සහ සත්ව නිෂ්පාදන දෙපාර්තමේන්තුවෙන් නිකුත් කළ යුතු වාර්තාවන්ය.

ආහාර ද්‍රව්‍ය ඇතුළත් බහාලුම් විසි හතක් නිදහස් කිරීමට දින 563 ක කාලයක්ද ආහාර ද්‍රව්‍ය ඇතුළත් තවත් බහාලුම් 27 නිදහස් කිරීමට වසර දෙකකට ආසන්න කාලයක් ගතවී තිබිණැයි ජාතික විගණන කාර්යාලය නිකුත් කළ වාර්තාවක සඳහන් වේ.

මෙම ආහාර ද්‍රව්‍ය බහාලුම් සම්බන්ධයෙන් ශ්‍රී ලංකා රේගුව 2021 වර්ෂය ජනවාරි මාසයේ සිට 2022 වර්ෂයේ අගෝස්තු මාසය දක්වා විමර්ශන කරගෙන ගියේය.

මේ අතර ආනයන අපනයන පාලක ජනරාල්වරයාගේ අනුමැතිය නොලැබීම හේතුවෙන් රුපියල් කෝටි 15 කට වැඩි වටිනා කහ කිලෝ 624,877ක් ශ්‍රී ලංකා රේගුව විසින් වසර දෙකකට වැඩි කාලයක් අවශ්‍ය නීතිමය කටයුතු නොකර රඳවා ගනු ලැබ තිබූ බවද එම වාර්තාවේ දැක්වේ.

මෙම කහ තොගය ආනයනය කර තිබුණේ 2020 වසරේ මැයි මස 10 වැනිදාය.

  • සුජිත් හේවාජුලිගේ
Subscribe
Notify of
0 Comments
Inline Feedbacks
View all comments

Next Post

රම්ලා බේගම් අභාවප්‍රාප්ත වෙයි . . .

Thu Sep 28 , 2023
ඉන්දීය සිනමාවේ ජනප්‍රිය ගායිකාවක වන රම්ලා බේගම් අභාවප්‍රාප්ත වී තිබේ. එරට මාධ්‍ය වාර්තා කළේ ඇය අද (28) උදෑසන මියගිය බවයි. 1946 වසරේ කේරළ ප්‍රාන්තයේ උපත ලද ඇය කුඩා කල සිටම හින්දි ගීත ගායනා කරමින් සිය සංගීත ගමන ආරම්භ කළ බව වාර්තා වෙයි. අනතුරුව ඇය මලයාලම් සංගීත සංදර්ශන රාශියකට සහභාගී වීමෙන් […]

හැඳින්වීම

” ජනමිණ ”

සිහනෙත් මාධ්‍ය ජාලයට අයත් වෙබ් අවකාශයකි. මෙම වෙබ් අවකාශය හරහා ප්‍රවෘත්ති හා විශේෂාංග තුලනාත්මක හා අරුත්බර මුහුණුවරකින් ඔබ වෙත රැගෙන ඒම අපේ අභිප්‍රායයි. ” ජනමිණ ” පාඨක ජනවින්‍යාසය වෙත නැවුම් පරිකල්පනයන් විවර කරන හරවත් නිර්මාණාත්මක ලේඛනයෙන් පොහොණි ය.

0
Would love your thoughts, please comment.x
()
x