පුනරුත්ථාපනය වී මීට දින හතරකට පෙර නිදහස් වූ පුද්ගලයකු කඩවත – කුරුණෑගල අධිවේගී පිවිසුම් මාර්ගය දක්වා පාලම් යට ස්ථාපිත කර තිබෙන විදුලි කණුවලට භූගතව යොදා ඇති තඹ සහ ඇලුමිනියම් කම්බි කපමින් සිටියදී අත්අඩංගුවට ගත් බව අධිවේගී මාර්ග අතුරුගිරිය අනු පාලක මධ්යස්ථානය කියයි.
එම සැකකරු සමඟ එලෙස කපන ලද කම්බි කිලෝ හැටක් පොලිස් භාරයට ගෙන ඇත.
කඩවත කෙලවරපිටිය අධිවේගී මාර්ගයේ කිලෝමීටර් 20 දශම 5 ප්රදේශයේ ගුවන් පාලම් යට සිට ඉඳිකරමින් පවතින කුරුණෑගල අධිවේගී මාර්ග පිවිසුම ට යොදා තිබෙන විදුලි කණුවක් අසළ කුඩා කාමරය කඩා භූගතව තිබෙන තඹ සහ ඇලුමිනියම් කම්බි පුද්ගලයන් කීප දෙනකු පැමිණ කපන බවට අතුරුගිරිය අනු පාලක මධ්යස්ථානයට ලද තොරතුරකට අනුව වැටලීම සිදු කළ බව පොලිසිය කියයි.
- බිමල් ශ්යාමන් ජයසිංහ