වෙරි වූ කතුන් දෙදෙනා කොස්තාපල්ට ගහලා . . .

කොළඹ ,ග්‍රෙගරි පාර ප්‍රදේශයේ මෝටර් රථයක් නතර කරගෙන ඊයේ (5) මධ්‍යම රාත්‍රීයේ දී එම කාර් රථය තුලට වී මත්පැන් පානය කරමින් සිටියේ යැයි කියන කාන්තාවන් දෙදෙනකු විසින් පොලිස් කොස්තාපල්වරයෙකුට පහරදීමක් සිදුව තිබේ.  

පහර දීමෙන් පොලිස් කොස්තාපල්වරයා තුවාල ලබා කොළඹ ජාතික රෝහලට ඇතුළත් කර ඇතැයි කුරුඳුවත්ත පොලිසිය පවසයි.

පොලිස් කොස්තාපල්වරයා ට පහර දුන්නේ යැයි කියන කාන්තාවන් දෙදෙනා සැකපිට අත්අඩංගුවට ගෙන තිබේ. එසේම මෝටර් රථය ද පොලිස් බාරයට ගෙන ඇත.

මෙසේ සැකපිට අත්අඩංගුවට ගෙන ඇත්තේ වයස අවුරුදු 30ක සහ අවුරුදු 43 ක වයසේ පසුවන කාන්තාවන් දෙදෙනෙකි.

• aruna