මොරටුව උයන ප්රදේශයේ නීති විරෝධී ලෙස පවත්වාගෙන ගිය මහා පරිමාණ වයින් නිශ්පාදනාගාරයක් වටලා එක් සැකකරුවකු සමගින් වයින් නිශ්පාදන තොගයක් අත් අඩංගුවට ගත් බව පාදුක්ක සුරාබදු කාර්යාලය පවසයි.
මෙම නිශ්පාදන අලෙවිය සදහා වෙබ් අඩවියක් ද නිර්මාණය කර අන්තර් ජාලය හරහා ඇණවුම් ලබා ගනිමින් කාළයක සිට මහා පරිමාණයෙන් මෙම වයින් නිශ්පාදනාගාරය පවත්වාගෙන ගොස් තිබූ බවද එම කාර්යාලය පවසයි
පාදුක්ක සුරාබදු කාර්යාලයේ ස්ථානාධිපති ප්රධාන සුරාබදු පරීක්ෂක කීර්ති ආරියපාල ට ලද තොරතුරක් මත උපාය දූතයෙකු යොදා ගනිමින් නිවසක පවත්වාගෙන ගිය මෙම නීති විරෝධි වයින් නිශ්පාදනාගාරයට ඇතුලු වී මෙම වැටලීම සිදු කර ඇත.
උත්සව සමය ඉලක්ක කර ගනිමින් වෙනත් කාල වලට වඩා වැඩි වයින් නිශ්පා
දනයක් මෙහිදී සිදු කර ඇති බවත් සමාජ මාධ්ය හරහා කිව් ආර් (QR) සංකේත භාවිතා කරමින් ඉතා ඉහල මිල ගණන්වලට මෙම වයින් නිශ්පාදන අලෙවි කර ඇති බවත් අත් අඩංගුවට ගත් සැකකරුගෙන් සිදුකල ප්රශ්න කිරීමේදී අනාවරණය වූ බවද එම කාර්යාලය පවසයි.
- කේ. බුද්ධික කුමාරසිරි