දරුවන්ගේ ත්රිපෝෂ සෑදීම සඳහා බඩඉරිගුවල අඩංගු වියයුතු ඇෆලටොක්සින් පිළිබද ප්රතිශතය සංශෝධනය කරමින් අමාත්ය මණ්ඩලය ලබාදුන් තීන්දුව පිළිබඳව සෞඛ්ය අමාත්යංශය මෙතෙක් ශ්රී ලංකා ත්රිපෝෂ සමාගමට නිර්දේශ ලබා නොදීම නිසා ත්රිපෝෂ නිෂ්පාදනය කිරිමට නොහැකි වී ඇති බව වාර්තා වේ.
මෙම ඇෆලටොක්සින් ප්රතිශතය පිළිබඳව පැන නැගුනු ගැටළු හේතුවෙන් පසුගිය වසර දෙකක පමණ කාලයක සිට ත්රිපෝෂ නිෂ්පාදනය කිරීමට නොහැකි වී ඇති බව ත්රිපෝෂ සමාගම සඳහන් කරයි.
මේ පිළිබඳව කළ විමසිමකදී ත්රිපෝෂ සමාගමේ සභාපති දීප්ති කුලරත්න ප්රකාශ කළේ දරුවන් සඳහා ත්රිපෝෂ නිෂ්පාදනය කිරිමට ලෝක සෞඛ්ය සංවිධානයෙන් ලබා දී ඇති නිර්දේශ සෞඛ්ය අමාත්යංශය වෙත ඉදිරිපත් කර ඇති බවත් ඒ සඳහා මෙතෙක් සුදුසු ක්රියාමාර්ගයක් ගෙන නොමැති බවත්ය. දරුවන්ට ත්රිපෝෂ සෑදීම සඳහා ගනු ලබන බඩඉරිගුවල අඩංගුවිය යුතු ඇෆලටොක්සීන් ප්රමාණයය බිපිපි එකට අඩු අගයක පැවැතිය යුතුය.
ත්රිපෝෂ සමාගමේ සභාපති දිප්ති කුලරත්න ප්රකාශ කළේ ඇෆලටොක්සීන් ප්රමාණය මැන බැලීම සඳහා විෂමාකාර මිනුම් දණ්ඩක් පවතින නිසා එම කාර්යය සිදු කිරිමද අපහසු බවය. කෙසේ වුවද මේ වනවිට ගැබිණි මව්වරුන්ට සහ කිරිදෙන මව්වරුන්ට අවශ්ය ත්රිපෝෂ පැකට් ලක්ෂ දහතුනක් මසකට ලබාදෙන බව සභාපතිවරයා සඳහන් කළේය.
- වරුණි පෙරමුණ