ජ්‍යෙෂ්ඨ පුවත්පත්කලාවේදියකු හා “ගිනිඅවි සහ ගිනිකෙළි” නමින් ජනප්‍රිය ගවේෂණාත්මක කෘති මාලාවක් නිර්මාණය කළ අනුර හොරේෂස් විසින් රචිත නවතම නිර්මානය වන “මොනර කුටුම්බය” නවකතාව අද (03) උදේ 10ට මරදාන එස්. ගොඩගේ පොත් මැදුරේ දී එළිදකී.
මෙපමණ කලකට කිසිම කෘතියකට ප්‍රස්තූත නොවූ විශය බීජයක් තුළින් මෙම නවකතාව නිර්මාණය වූ බව සඳහන් කරන කතුවරයා එය අභව්‍ය නොවන යථාර්තවාදි කතාන්දරයක් බව පවසයි. අද රටේ අති බහුතරයක් වූ ස්ත්‍රින් හා පුරුෂයින් මුහුණපාන සංවේදි ජීවන අත්දැකීම් රැසක් මෙම නවකතාව නිර්මාණයේ දී තමන් යොදාගත් බව හෙතෙම වැඩිදුරටත් සඳහන් කරයි.
එබැවින් මෙම නවකතාව සැමියාට, බිරිඳට, පෙම්වතාට, පෙම්වතියට හා පවුලේ වැඩිහිටි සියලු දෙනාට සිය ජීවිතයේ මෙතෙක් නොදුටු පැති ගණනාවක් කියා දෙන අත්පොතක් බව අනුර හොරේෂස් කතුවරයා පවසයි.
මෙම නවකතාවට අවශ්‍ය තොරතුරු වසර එකහමාරකට ආසන්න කාලයක් මුළුල්ලේ ගවේෂණය කළ බව පවසන කතුවරයා පෙබරවාරි 03 වැනිදා උදෑසන 10 සිට ගොඩගේ පොත් මැදුරේ දී කෘතිය පිළිබඳ අදහස් හුව මාරුවකට එක්වන ලෙස සාහිත්‍ය රසවතුන්ට ආරාධනා කර සිටී.
- lankatruth
Janamina Sri Lanka Rupee Exchange Rate