ලෝක ගීත ක්ෂේත්‍රයේ විශිෂ්ටතම ගායක ගායිකාවන් ඇගැයීමට ලක් කෙරෙන සුප්‍රකට ග්‍රැමී සම්මාන උලෙළේදී ඉන්දියාවට සම්මාන 6ක් හිමි වූ බව විදෙස් මාධ්‍ය වාර්තා කළේය. මෙවර 66 වැනි වරටත් අමෙරිකාවේ ලොස් ඇන්ජලිස් නුවර පැවැති ග්‍රැමී සම්මාන උලෙළේදී ඉන්දීය සංගීතඥයන් පස්දෙනකු එම සම්මානයට පාත්‍ර වී ඇති අතර, සුප්‍රකට තබ්ලා වාදක සාකිර් හුසේන් සහ බටනළා වාදක රාකේෂ් චවුරාසියා ද ඒ අතර සිටින බව ඉන්දීය මාධ්‍ය වැඩිදුරටත් වාර්තා කළේය.
ගායක ශංකර් මහාදේවන්, වයලින් වාදක ගනේෂ් රාජගෝපාලන් සහ වාදන ශිල්පි සෙල්වගනේෂ් විනයාගරම් ඉන්දීය- බ්‍රිතාන්‍ය සංගීතඥයන්ගේ එකතුවකින් බිහි වූ ශක්ති කණ්ඩායම නියෝජනය කරන වසරේ හොඳම ගෝලීය ගීත ඇල්බමයට හිමි සම්මානය දිනා ගත් අතර, රාකේෂ් චවුරාසියා බටනළා වාදනයෙන් දායකත්වය සැපයූ අමෙරිකානු ගීත ඇල්බම් දෙකකට ග්‍රැමී සම්මානය හිමි වූ බවත්, සාකිර් හුසේන් තබ්ලා වාදනයෙන් දායක වූ ගීත ඇල්බමයක්ද සම්මානයට පාත්‍ර වූ බව ඉන්දීය මාධ්‍ය වාර්තා කළේය.
- dinamina
Janamina Sri Lanka Rupee Exchange Rate