මහ බැංකුවේ විශේෂ පිරිසක් ඉන්නේ . . .

මහ බැංකු සේවකයන්ගේ වැටුප් තීරණය කිරීමේ බලය ස්වාධීන ආයතනයක් ලෙස බැංකු පනතින්ම මහ බැංකුවට ලැබී ඇති බව මුදල් රාජ්‍ය ඇමැති රංජිත් සියඹලාපිටිය සඳහන් කරයි.

ඒ අනුව එම සේවකයන්ගේ වැටුප් සම්බන්ධයෙන් රජය තීරණ නොගන්නා බවද හෙතෙම පැවසීය.

එම පනත ප්‍රකාරව මහ බැංකු සේවකයන් සඳහා වැටුප් වැඩි කර ගැනීමක් සිදුකර ඇති බවත් ලෝකයේ සියලුම මහ බැංකු සඳහා විශේෂිත පුද්ගලයන්ගෙන් විශේෂිත වූ ශ්‍රමයක් ලබාගන්නා නිසා ඔවුන්ට ඉහල වැටුප් ලබා දෙන බවද හෙතෙම කියා සිටී.

ඔහු මේ බව කියා සිටියේ මහනුවර ප්‍රදේශයේ දී පැවති උත්සව සභාවක් අමතමිනි.

මෙරට ආර්ථිකයට තීරණාත්මක ආයතනය වන මහ බැංකුවට විශේෂඥ දැනුම ඇති විශේෂ පුද්ගලයන් සිටිය යුතු බවද පැවසූ ඔහු අති විශේෂිත වූ පුද්ගලයන් නොගත්විට සිදුවන විනාශය පසුගිය කාලයේ අත්විඳ ඇති බවද කියා සිටියේය.

•  lanka C news