ගංගා ජලයට ලවණ මිශ්‍ර වීමේ අවදානමක් . . .

පවතින අධික උණුසුම් කාලගුණය හමුවේ මාතර නිල්වලා ගඟේ ජල මට්ටම පහළ යමින් තිබීම හේතුවෙන් ගංගා ජලයට ලවණ මිශ්‍ර වීමේ අවදානමක් මතුව ඇතැයි ජල සම්පාදන හා ජලාප්‍රවාහන මණ්ඩලය පවසයි.

නිල්වලා ගඟේ ඉදිකර තිබූ ලවණ බාධකයන් ගංවතුර බැස යාමට බාධකයක් වී ඇතැයි ගොවි සංවිධානවලින් නැගුණ විරෝධතාවය මත එය යම් ප්‍රමාණයකින් ඉවත් කිරීමත් සමග එම ස්ථානයන්ගෙන් මෙලෙස ලවණ ජලය ගංගා ජලය සමග එක්වනවාද යන්න නිලධාරීන්ගේ මතය වී ඇත.

මෙම තත්ත්වය හමුවේ යම් හෙයකින් නිල්වලා ගඟට මුසු වන ලවණ ඉහළ ජලධාරා ප්‍රදේශ වෙත ගලා ගියහොත් පිරිපහදු කිරීම සඳහා ලබා ගන්නා ජලයට ලවණ මිශ්‍ර වීමෙන් පානීය ජලයට එය මිශ්‍ර වීමේ හැකියාවක් පවතින බව ජල සම්පත් මණ්ඩල නිලධාරීන්ගේ අදහස වී තිබේ.

පවතින තත්ත්වය පිළිබඳ ජල සම්පත් මණ්ඩල නිලධාරීන්ගෙන් කළ විමසුමේදී ඔවුන් කියා සිටියේ වියළි කාලගුණික තත්ත්වය තවදුරටත් ක්‍රියාත්මක වෙමින් පැවතියහොත් ඒ තුළින් ඇතිවිය හැකි තත්වයන්ට මුහුණ දීම සඳහා ගත හැකි ක්‍රියාමාර්ග පිළිබඳ සැලසුම් සකස් කරමින් ඇති බවය.

• ජයසිරි පේදුරුආරච්චි – මාතර