වැලිකන්ද ප්‍රදේශයේ මහා පරිමාණ සහල් මෝලකට විකිණීම සඳහා රැගෙන ගිය රුපියල් ලක්‍ෂ පහළොවක් පමණ වටිනා කීරි සම්බා වී සහිත ලොරියක් සොරාගත් පිරිසක් සොයා වැලිකන්ද පොලිසිය විමර්ශනයක් ආරම්භකර ඇත.
කෙසේ වෙතත් පොලිසිය සිදුකළ මූලික විමර්ශනවලදී සොරාගන්නා ලොරි රථය පමණක් අරලගංවිල හතර කණුව ප්‍රදේශයේ දමාගොස් තිබියදී සොයාගෙන තිබිණි.
එම ලොරි රථයේ කීරි සම්බා වී කිලෝ 9100ක ප්‍රමාණයක් තිබී ඇති අතර cවිසින් ඒවා සියල්ලම රැගෙන ඇති බව පොලිසිය සඳහන් කරයි.
සිංහපුර ප්‍රදේශයේ සහල් මෝලකට එම කීරි සම්බා අලෙවි කිරීමට රියැදුරු විසින් රැගෙන ගොස් සිටියදී පවතින තදබදය නිසා එදින මෝලට වී ලබාදීමට නොහැකි වීම නිසා ලොරිය සහ යතුර තබා නිවසට යන ලෙසට රියැදුරුට දැනුම් දුන් බවත් පසුවදා එම ස්ථානයට යන විට ලොරිය නොතිබූ බවත් පැමිණිලිකරු පොලිසියට සඳහන් කරයි.
පොලොන්නරුව ජ්‍යෙෂ්ඨ පොලිස් අධිකාරි නිශාන් ද සිල්වාගේ උපදෙස් මත වැලිකන්ද පොලිස් ස්ථානාධිපති පොලිස් පරීක්ෂක සමන්ත රත්නායක ඇතුළු පොලිස් නිලධාරී කණ්ඩායමක් මේ පිළිබඳ වැඩිදුර පරීක්ෂණ සිදු කරයි.
- දුරංජලා මධුශානි – දෙහිඅත්තකණ්ඩිය
Janamina Sri Lanka Rupee Exchange Rate