සක්විති රණසිංහට සහ බිරිඳට දඬුවම් නියම කරයි . . .

ශ්‍රී ලංකා මහ බැංකුවේ අනුමැතියකින් තොරව මූල්‍ය ආයතනයක් පවත්වාගෙන ගොස් අධික පොලියක් ලබා දෙන බව පවසා මුදල් පිළිබඳ විශ්වාසය කඩ කිරීම සම්බන්ධ චෝදනාවලට හිටපු උපකාරක පන්ති ගුරවයෙකු වූ සක්විති රණසිංහ සහ ඔහුගේ බිරිඳ වරද පිළිගෙන ඇති අතර කොළඹ මහාධිකරණ විනිසුරු අමල් රනරාජා විසින් ඔවුන්ට ඊට අදාල දඬුවම් නියම කර තිබේ.

ඒ අනුව චෝදනා 11 කට වරදි පිළිගත් සක්විති රණසිංහට වසර 22 බරපතළ වැඩ සහිත සිරදඬුවම් නියම කර එය වසර 05 කට අත්හිටුවා ඇත. ඊට අමතරව ඔහුට එක් වරදකය රුපියල් 25,000/= බැගින් රුපියල් 2,75,000 /= ක දඩයකටද නියම කර තිබේ. එම දඩය ඔහු නොගෙවන්නේනම් ඔහුට තවත් මාස 06 ක ලිහිල් සිරදඬුවමක් නියම කර ඇත. එමෙනම් ඔහුගේ බිරිඳ මෙම නඩුවේ එක් චෝදනාවකට වරද පිළිගෙන ඇති අතර ඇයට වසර දෙකක සිර දඬුවමක් නියම කොට එය වසර පහකට අත්හිටුවා තිබේ. ඊට අමතරව ඇයට එම වරදට රුපියල් 25,000/= ක දඩයක්ද නියම කර ඇත. එය නොගෙවන්නේනම් ඇයට ද මාස මාස 06 ක ලිහිල් සිරදඬුවමක් නියම කර තිබේ.