ලක්ෂ 5 ඉක්මවූ විදුලි ගාස්තුවක් නොගෙවීම හේතුවෙන් දිඹුලාගල ආරණ්‍ය සේනාසනයේ විදුලි බලය විසන්ධි කිරීමට ලංකා විදුලිබල මණ්ඩලය කටයුතු කර තිබේ.
ඒ හේතුවෙන් එහි වැඩවසන භික්ෂූන් වහන්සේලා දෙසියක පමණ පිරිසක් අපහසුතාවට ලක්ව සිටින බව සේනාසනාධිපති මිල්ලානේ සිරියාලංකාර නාහිමියෝ කියා සිටිති. මෙම ආරණ්‍ය සේනාසනයේ විදුලිය විසන්ධි කිරීමක් සිදු වූයේ ඉතිහාසයේ පළමු අවස්ථාවට බවද මේ පිළිබඳව අවධානය යොමුකර කඩිනම් ක්‍රියාමාර්ග ගන්නැයි තමන් ජනාධිපතිවරයාගෙන් මෙන්ම අගමැතිවරයාගෙන් ඉල්ලා සිටි බවද උන්වහන්සේ තවදුරටත් පැවසූහ.
හිටපු ජනාධිපති රණසිංහ ප්‍රේමදාසගේ පාලන සමයේ මෙම සේනාසනය සඳහා විදුලිය නොමිලේ ලබා දුන් බවත් එතැන් පටන් සෑම රජයක් විසින්ම අඛණ්ඩව විදුලිය ලබා දුන් බවද උන්වහන්සේ තවදුරටත් පැවසූහ.
Janamina Sri Lanka Rupee Exchange Rate