ශ්‍රී ලංකා රුපියල් කෝටි 918 ක් (ඇමෙරිකානු ඩොලර් මිලියන 28) වටිනා රෝල්ස් රොයිස් බෝට් ටේල් මෝටර් රථය ප්‍රථම වරට ඩුබායි හි මාර්ගයක ධාවනය වන අයුරු පසුගිය ද කැමරා ඇසට හසුවී ඇතැයි විදෙස් මාධ්‍ය වාර්තා කර ඇත.
සාගර නිල් වර්ණයෙන් ගනුදෙනුකරුගේ ඇණවුමට අනුව තැනූ රෝල්ස් රොයිස් බෝට් ටේල් මෝටර් රථය එම සන්නාමයට පක්ෂපාතී මැද පෙරදිග පාරිභෝගිකයකු මිලදී ගෙන ඇතත් ඔහුගේ හෝ ඇයගේ අනන්‍යතාවය හෙළි කර නොමැත.
ඇමරිකානු සංගීත යුවලක් වන ජේ.සී සහ බියොන්සේ මෙම රෝල්ස් රොයිස් බෝට් ටේල් මෝටර් රථය මිලදී ගැනීමට පැමිණි පාරිභෝගිකයන් තුන්දෙනාගෙන් එක් අයකු බව ආරංචි මාර්ග ප්‍රකාශ කර ඇත.
මෙම මාදිලිය ප්‍රකාශයට පත් කර වසර දෙකකට ආසන්න කාලයක් ගත වී ඇති අතර ප්‍රථම වරට මෙම මෝටර් රථය මිලදී ගැනීමට පාරිභෝගිකයන් තුන් දෙනකු ඉදිරිපත් වී ඇති අතර එම පාරිභෝගිකයන්ගේ අනන්‍යතාවය රහසක් ලෙස තබා ගැනීමට රෝල්ස් රොයිස් සමාගම කටයුතු කරන බව විදෙස් මාධ්‍ය වාර්තා කර තිබේ.
රෝල්ස් රොයිස් බෝට් ටේල් මෝටර් රථය බෝට්ටු සහ නාවික ක්ෂේත්‍රයට අවශ්‍ය වූ සියල්ලෙන් අභාෂය ලබා ගෙන ඇත.
- විමුක්ති එස් රුද්‍රිගු
Janamina Sri Lanka Rupee Exchange Rate