ව්‍යාජ රන් භාණ්ඩ නිෂ්පාදනය කර බැංකුවලට උකසට තබන කණ්ඩායමක සිව්දෙනකු පොලීසිය විසින් අත්අඩංගුවට ගෛන තිබේ.
පුත්තලම මූලස්ථාන පොලිසිය පැවසුවේ පුත්තලම නගරයේ ඇති රජයේ බැංකුවකින් ලැබුණු පැමිණිල්ලකට අනුව පරීක්ෂණ සිදුකිරීමේදී මෙම ව්‍යාජ රත්තරං නිෂ්පාදනාගාරය සොයා ගැනීමට හැකි වූ බවයි.
සැකකරුවන් ටන්ස්ටන් ලෝහය උපයෝගි කරගෙන එයට රන් අලේප කර එය පුත්තලම නගරයේ ඇති බැංකු රැසකට උකස් කර ඇත.
එම බැංකු වලින් ලක්ෂ ගණන් මුදල් ලබා ගෙන ඇති බව මූලික පරීක්ෂණ වලදී අණාවරණය වී ඇත.
පුත්තලම නගරයේ රජයේ බැංකුවකට ඊයේ (05) උදෑසන මෙලෙස ව්‍යාජ ලෙස සාදන ලද මුද්දක් උකස් කිරීමට යාමේදී බැංකු නිලධාරින්ට සැක සිතී පුත්තලම පොලිසයට කරන ලද පැමිණිල්ලකට අනුව විමර්ශනයක් සිදු කර තිබේ.
එහිදී පුත්තලම සින්නනාගවිල්ළුව ප්‍රදේශයේ නිවසක පවත්වාගෙන ගිය මෙම ව්‍යාජ රත්‍රන් නිශ්පාදනාගාරය සොයාගෙන ඇත.
අත්අඩංගුවට ගත් සැකකරුවන් පුත්තලම සිරම්බිඅඩිය , මනගුන්ඩුව යන ප්‍රදේශවල පදංචිකරුවන් වෙයි.
Janamina Sri Lanka Rupee Exchange Rate