පරාටේ නීතිය අත්හිටුවීමෙන් බැංකුවලින් ණයදීම තවදුරටත් අදිමදි කරමින් සිටින බව මහ බැංකු අධිපති ආචාර්ය නන්දලාල් වීරසිංහ පැවසුවේය.
ශ්රී ලංකා මහ බැංකුවේ අද (26 වැනිදා) පැවැති මාධ්ය හමුවකදී ඔහු මේ බව කියා සිටියේය.
බැංකු පවත්වාගෙන යනු ලබන්නේ තැන්පත්කරුවන්ගෙන් මුදල් ලබාගෙන ඒවා ණයට ලබාදීමෙන් බව ද ඔහු පැවසීය.
“ණය දීපු ඒවා අයකර ගැනීමට බාධාවක් ඇත්නම් කුඩා සහ මධ්ය පරිමාණ අයට බැංකු විසින් ණය දීමේදී පරිස්සම් වෙනවා. මේ නිසා සුළු හා මධ්ය පරිමාණ ව්යවසායකයන්ට ණය ලබා ගැනීමේදී අපහසුතා උද්ගත වෙනවා. පරාටේ නීතිය රජය විසින් පනවා ඇත්තේ මාස හයක් වැනි කෙටි කාලයකටයි. මේ සම්බන්ධයෙන් නොසලකා අඩු පොලියට ණය දෙන්න කියලා බැංකුවලට දැනුම්දී තිබෙනවා’’ යැයි ද මහ බැංකු අධිපතිවරයා පැවසීය.
- සාලිය කුමාර ගුණසේකර